Amazima Agakwata ku Bwakabaka bwa Katonda
Yesu yayigiriza abagoberezi be okusaba nti: “Kitaffe ali mu ggulu, erinnya lyo litukuzibwe. Obwakabaka bwo bujje. By’oyagala bikolebwe mu nsi nga bwe bikolebwa mu ggulu.” (Matayo 6:9, 10) Obwakabaka bwa Katonda kye ki? Biki bye bukola? Era lwaki tusaanidde okusaba bujje?
Yesu Ye Kabaka w’Obwakabaka bwa Katonda.
Lukka 1:31-33: “Olimutuuma erinnya Yesu. Oyo aliba mukulu era aliyitibwa Mwana w’Oyo Asingayo Okuba Waggulu; era Yakuwa Katonda alimuwa entebe ya Dawudi jjajjaawe; alifuga ennyumba ya Yakobo nga Kabaka emirembe gyonna, era Obwakabaka bwe tebuliggwaawo.”
Yesu yasinga kubuulira bikwata ku Bwakabaka.
Matayo 9:35: “Yesu n’agenda mu bibuga byonna ne mu byalo, ng’ayigiriza mu makuŋŋaaniro gaabwe, ng’abuulira amawulire amalungi ag’Obwakabaka era ng’awonya endwadde eza buli kika.”
Yesu yabuulira abayigirizwa be ebyandibayambye okumanya nti Obwakabaka bunaatera okujja.
Matayo 24:7: “Eggwanga lirirumba eggwanga, n’obwakabaka bulirumba obwakabaka, era walibaawo enjala ne musisi mu bifo ebitali bimu.”
Abagoberezi ba Yesu leero babuulira ebikwata ku Bwakabaka mu nsi yonna.
Matayo 24:14: “N’amawulire gano amalungi ag’Obwakabaka galibuulirwa mu nsi yonna okuba obujulirwa eri amawanga gonna, olwo enkomerero n’eryoka ejja.”
Era Oyinza Okwagala Okusoma Ebitundu Bino
EBIBUUZO BAYIBULI BY’EDDAMU
WObwakabaka bwa Katonda Kye Ki?
Laba ensonga lwaki Obwakabaka bwa Katonda busukkulumye ku gavumenti z’abantu.
ESSENTIAL BIBLE TEACHINGS
Obwakabaka bwa Katonda Kye Ki?
Yesu bwe yali ku nsi, ekintu kye yasinga okwogerako ng’ayigiriza bwe Bwakabaka bwa Katonda. Okumala ebyasa bingi, abantu babadde basaba nti Obwakabaka bwa Katonda bujje.
