Adiera e Wi Pinyruodh Nyasaye
Yesu nopuonjo jolupne mondo gilem kama: “Wuonwa manie polo, nyingi mondo obed maler. Pinyruodhi mondo obi. Dwaroni mondo otimre e piny kaka timore e polo.” (Mathayo 6:9, 10) Pinyruodh Nyasaye en ang’o? Pinyruodhno timo ang’o sani? To ang’o momiyo onego walem mondo Pinyruodhno obi?
Yesu e Ruodh Pinyruodh Nyasaye.
Luka 1:31-33: “Inimiye nying ni Yesu. Jali nobed gi duong’ kendo enoluonge ni Wuod Ng’at Mamalo Chutho, kendo Jehova Nyasaye biro miye kom-loch mar Daudi wuon mare, kendo obiro locho kaka Ruoth e wi od Jakobo nyaka chieng’, kendo Pinyruodhe ok norum.”
Pinyruoth e wach maduong’ ma Yesu ne lando.
Mathayo 9:35: “Yesu nowuotho e mier gi gwenge duto kopuonjo e sunagokegi, kendo koyalo wach maber mar Pinyruoth. Bende, nochango kit tuoche kod midekre duto.”
Yesu nonyiso jopuonjrene gik ma ne dhi nyiso ni Pinyruoth chiegni chopo.
Mathayo 24:7: “Oganda noked gi oganda kendo pinyruoth noked gi pinyruoth, bende chiemo nobed manok kendo yiengni mag piny nobedie kamoro bang’ machielo.”
Jopuonjre Yesu sani lando wach Pinyruoth e piny mangima.
Mathayo 24:14: “Kendo wach maber mar Pinyruoth ibiro yal e piny mangima mondo obed ranyisi ne ogendni duto, eka giko nobi.”
Samoro Inyalo Hero Magi Bende
DWOKO PENJO MA JI NIGO E WI MUMA
Pinyruodh Nyasaye En Ang’o?
Ne gik moko 6 mamiyo Pinyruodh Nyasaye bedo maber moloyo sirkande mag dhano.
ESSENTIAL BIBLE TEACHINGS
Pinyruodh Nyasaye En Ang’o?
Kinde duto ma Yesu ne yalo, nojapuonjo ji wach Pinyruodh Nyasaye nyading’eny moloyo wach moro amora. Ji osebedo kalemo kuom higni mang’eny mondo pinyruodhno obi.
