E Berdad Tocante e Reino di Dios
Hesus a siña su siguidornan pa haci oracion asin’aki: “Nos Tata cu ta den cielo, bo nomber sea santifica. Laga bo Reino bin. Laga bo boluntad sosode, mescos cu den cielo, tambe riba Tera.” (Mateo 6:9, 10) Kico e Reino di Dios ta? Kico e Reino di Dios ta haciendo? Y dicon nos tin cu pidi pa e Reino di Dios bin?
Hesus ta Rey di e Reino di Dios.
Lucas 1:31 pa 33: “Bo tin cu yam’e Hesus. Lo e ta grandi y lo ser yama Yiu di e Haltisimo, y Jehova Dios lo dun’e e trono di su tata David, y lo e reina como Rey pa semper riba e cas di Jacob, y lo no tin fin na su Reino.”
E Reino di Dios tabata e tema principal di Hesus su predicacion.
Mateo 9:35: “Hesus a cuminsa cu un gira den tur stad y pueblito. E tabata siña hende den nan [sinagoganan], predica e bon noticia di Reino y cura tur sorto di maleza y tur sorto di enfermedad.”
Hesus a duna su discipelnan un señal pa yuda nan sa ki tempo e Reino di Dios lo bin.
Mateo 24:7: “Pasobra nacion lo lanta contra nacion y reino contra reino, y lo tin scarsedad di cuminda y temblor den un luga tras di otro.”
Hesus su discipelnan ta predicando tocante e Reino di Dios rond mundo.
Mateo 24:14: “Y e bon noticia aki di e Reino lo ser predica den henter e Tera habita, como testimonio pa tur nacion, anto e fin lo yega.”
You May Also Like
PREGUNTA CU BIJBEL TA CONTESTA
Kico e Reino di Dios Ta?
Wak dicon e Reino di Dios ta superior na tur otro gobierno.
