Diospa munaychakuyninmanta chiqap yachachikuy
Jesusmi qatiqninkunata kaynata mañakunankupaq yachachirqa: “Hanaq pachapi taytayku sutiki chuyanchasqa kachun. Munaychakuynikiyá hamuchun. Munasqaykiyá ruwasqa kachun kay pachapipas hanaq pachapi hina”, nispa (Mateo 6:9, 10). ¿Imataq Diospa munaychakuyninqa? ¿Imatam ruwachkan? ¿Imanasqataq mañakunanchik hamunanpaq?
Munaychakuyninpi kamachinanpaqmi Jesusta Dios churarun
Lucas 1:31-33 nin: ‘Sutichankim Jesuswan. [...] Jehova Diosmi qunqa taytan Davidpa kamachinanpaq tiyananta, hinaspam Jacobpa mirayninkunata wiñaypaq kamachinqa, kamachisqanqa mana tukuqmi kanqa’, nispa.
Diospa munaychakuyninmantam Jesusqa willakurqa
Mateo 9:35 nin: ‘Jesusmi purirqa llapallan llaqtakunapi [...] Diospa munaychakuyninmanta sumaq willakuyta willakustin’, nispa.
Qatiqninkunamanmi Jesus willarqa Diospa munaychakuynin hamunantaña imaynata yachanankumanta
Mateo 24:7 nin: “Huk nacionmi peleanqa huk law nacionwan chaynataq huk gobiernopas huk law gobiernowan, kanqam kaypi-chaypi muchuykuna hinaspa terremotokuna”, nispa.
Jesuspa qatiqninkunam Diospa munaychakuyninmanta enteron pachapi willakuchkanku
Mateo 24:14 nin: “Diospa munaychakuyninmanta kay sumaq willakuymi willakusqa kanqa enterollan kay pachapi”, nispa.
Kaykunatapas leeykuy
BIBLIAPA ANCHA ALLIN YACHACHIKUYNINKUNA
¿Imataq Diospa munaychakuyninqa?
Kay pachapi Jesus kaspanqa astawanmi willakurqa Diospa munaychakuyninmanta. Qatiqninkunapas unay tiempoñam mañakuchkanku Diospa munaychakuynin kay pachaman hamunanpaq.
BIBLIA ¿IMATAM YACHACHIN?
Jesusmi willakun Diospa Munaychakuyninmanta
¿Imamantam Jesus yachachirqa? ¿Imaynatam qawachirqa kamachikuynin kuyakuywan hinaspa allin kananmanta?
