Maganu Mangiste Daafira Kulanno Halaale
Yesuusi harunsaanosi togo yite huuccidhanno gede rosiisinonsa: “Annanke Gordoho heeˈrattohu, suˈmikki qullaawa ikko. Gashshootikki [Mangistekki] dayo, hedoottori gordoho ikkinonte gede, baattote aanano ikko.” (Maatewoosi 6:9, 10) Maganu Mangiste maati? Tini Mangiste maa assitanno? Maganu Mangiste dagganno gede huucciˈra hasiissannonkehu mayiraati?
Maganu Mangiste Moote Yesuusaati.
Luqaasi 1:31-33: “Suˈmano Yesuusa yite fushshattasi. Isi jawa ikkanno; Woˈmunkura Aliidi Magani Beettootino yinannisi. Mootichu Maganu, annisi Daawitiha ayirrinyu barcima aannosi. Yaiqoobi minirano hegerera moohanno. Gashshootisira gawalo dino.”
Yesuusi roore sabbakinohu Maganu Mangiste daafiraati.
Maatewoosi 9:35: “Yesuusi xaadu minna giddo rosiisanni, gordu Gashshootiha Dancha Duduwo kulinsa. Addi addi dani dhibbinni amadamino mannano hursanni, katammatenna qachuwa baalate haˈrami.”
Yesuusi rosaanosira Maganu Mangiste mamoote daggannoro leellishshanno malaatta kulinonsa.
Maatewoosi 24:7: “Gosa gosate aana, gashshootu gashshootu aana ola kayisanno. Addi addi darga hudenna baattote huxano ikkanno.”
Xaa yannara Yesuusi rosaano alamete doyichora Maganu Mangiste daafira sabbakkanni no.
Maatewoosi 24:14: “Gosa baalate naqaashshe ikkanno gede kuni Maganu Gashshootihu Danchu Duduwi gobba baalate kulamanno.”
Kurino Lai
QULLAAWU MAXAAFI XAˈMONNA DAWARO
Maganu Mangiste Maati?
Maganu Mangiste mannu gashshootinni lowo geeshsha roortannohu hiittoonniitiro wodanchi.
KAA'LANNOHA QULLAAWU MAXAAFI ROSO
Maganu Mangiste Maati?
Yesuusi uullate aani soqqanshosi gumuli yanna geeshsha, wolu baalunku coyinni roorse Maganu Mangistere rosiisino. Harunsaanosi lowo xibbe diro tini Mangiste dagganno gede huuccidhanni keeshshitino.
