Kasimpe Kali Atala aBwaami bwaLeza
Jesu wakayiisya batobeli bakwe nkombyo yakuti: “Taateesu ooli kujulu, alisalazyigwe zina lyako. Abuboole Bwami bwako. Akucitwe kuyanda kwako ansi aano mbubonya mbuli kujulu.” (Matayo 6:9, 10) Bwaami bwaLeza niinzi? Bwaami bwaLeza buyoochitaanzi? Alubo nkamboonzi nitweelede kubukombela?
Jesu Mwaami waBwaami bwaLeza.
Luka 1:31-33: “Ngoyakuulika zina lyakuti Jesu. Ooyu unooli mupati alimwi uyootegwa Mwana wa Mupatikampatila, alimwi Jehova Leza uyoomupa cuuno cabwami ca Davida usyi, eelyo unooli Mwami uuyoolela muŋanda ya Jakobo kukabe kutamani, alimwi Bwami bwakwe tabukamani.”
Jesu wakali kukambawuka atala aBwaami bwaLeza.
Matayo 9:35: “Jesu wakali kuyaabweenda muminzi yoonse amutunzi, kayaabuyiisya muzikombelo zyabo akukambauka makani mabotu aa Bwami, akuponya malwazi aamisyobo yoonse.”
Jesu wakabuzya basikwiiya bakwe zintu zyakali kuyootondeezya kuti Bwaami bwaLeza bwaba aafwiifwi.
Matayo 24:7: “Nkaambo cisi ciyoobukila cisinyina abwami buyoobukila bwaminyina, alimwi kuyooba nzala amizuzumo yanyika mumasena aaindene-indene.”
Basikwiiya baJesu balikukambawuka makani aaBwaami munyika yoonse.
Matayo 24:14: “Alimwi makani mabotu aa Bwami aaya ayookambaukwa munyika yoonse kuti bukabe bumboni kumasi oonse, mpoonya mamanino ayoosika.”
You May Also Like
NJIISYO ZYABBAYIBBILI ZIYANDIKANA
Bwaami bwaLeza Niinzi?
Chiindi Jesu naakali kukambawuka, wakayiisya atala aBwaami bwaLeza kwiinda zintu zyoonse. Kwaminyaka myiingi, bantu balikukombela kuti Bwaami oobu buze.
