Unenesko Pakuyowoya za Ufumu wa Chiuta
Yesu wakaphalira ŵasambiri ŵake kuti pakulomba ŵatenge: “Adada ŵithu imwe muli kuchanya, zina linu lituŵiskike. Ufumu winu wize. Khumbo linu lichitike pano pasi nga nkhuchanya.” (Mateyu 6:9, 10) Kasi Ufumu wa Chiuta ni vichi? Kasi ukuchita vichi? Ndipo chifukwa wuli tikwenera kulomba kuti wize?
Yesu Ni Fumu ya Ufumu wa Chiuta
Luka 1:31-33: “Zina lake umuthye Yesu. Iyo wazamuŵa mukuru, wazamuchemeka Mwana wa Wapachanya Nkhanira. Ndipo Yehova Chiuta wazamumupa chitengo cha Davide, awiske. Wazamuwusa nga ni Themba pa nyumba ya Yakhobe muyirayira, ndipo Ufumu wake uzamumara chara.”
Ufumu wa Chiuta ndiyo yikaŵa nkhani yikuru iyo Yesu wakasambizganga.
Mateyu 9:35: “Yesu wakamba ulendo wa kwendera misumba yose na mizi. Wakasambizganga mu masunagoge ghawo na kupharazga makani ghawemi gha Ufumu kweniso kuchizga mtundu uliwose wa nthenda na mtundu uliwose wa vyakuŵinya.”
Yesu wakaŵaphalira ŵasambiri ŵake ivyo vingaŵawovwira kumanya usange Ufumu wa Chiuta wuli pafupi.
Mateyu 24:7: “Pakuti mtundu uzamuwukirana na mtundu unyake, ufumu na ufumu unyake. Kweniso kuzamuŵa njara na vindindindi mu malo na malo.”
Ŵasambiri ŵa Yesu mazuŵa ghano ŵakupharazga za Ufumu uwu pa charu chose.
Mateyu 24:14: “Ndipo makani ghawemi agha gha Ufumu, ghazamupharazgika mu charu chose chapasi kuti uŵe ukaboni ku mitundu yose, penepapo ndipo umaliro wizenge.”
Panji Mungatemwa Kuŵerengaso Nkhani Izi
MAFUMBO AGHO BAIBOLO LIKUZGORA
Kasi Ufumu wa Chiuta Ni Vichi?
Chifukwa wuli boma la Chiuta ndapachanya chomene?
VISAMBIZGO VYAKUZIRWA VYA MU BAIBOLO
Kasi Ufumu wa Chiuta Ni Vichi?
Pa uteŵeti wake wa pa charu chapasi, Yesu wakapharazga chomene vya Ufumu wa Chiuta. Kwa vyaka vinandi, ŵalondezgi ŵake ŵalutilira kulomba kuti Ufumu uwu wize.
KASI MU BAIBOLO MULI UTHENGA WULI?
Yesu Wakusambizga za Ufumu wa Chiuta
Kasi Yesu wakapharazganga za vichi? Kasi wakalongora wuli kuti wazamuwusa mwachitemwa kweniso mwaurunji?
