Ocili Catiamẽla Kusoma wa Suku
Yesu wa longisa olondonge viaye oku likutilila ndoco: “A Isietu o kasi kilu, onduko yove yi sumbiwe. Usoma wove wiye. Ocipango cove ci lingiwe palo posi, ndeci ci lingiwa kilu.” (Mateo 6:9, 10) Usoma wa Suku u lomboloka nye? U ka linga nye? Momo lie tu likutilila oco wiye?
Yesu eye Soma Yusoma wa Suku.
Luka 1:31-33: “U luka Yesu. Eye o ka kala unene kuenje o ka tukuiwa Omõla a Tõlo kuenda Yehova Suku o ko wĩha ocalo ca isiaye Daviti, kuenje o ka viala Ndosoma yonjo ya Yakoba otembo ka yi pui kuenda Usoma waye ka u sulila.”
Usoma owo wa kala osapi yupange woku kunda kua Yesu.
Mateo 9:35: “Yesu wa linga ungende valupale lo vovaimbo osi, oku longisa volosunangonga viavo kuenda oku kunda olondaka viwa Viusoma, loku sakula ovovei aiñi aiñi.”
Yesu oco a kuatise olondonge viaye oku kũlĩha otembo Usoma wa laikele oku iya, wa tukula ovina vimue via ponduile oku pita.
Mateo 24:7: “Ofeka yi katukila ofeka kuenda usoma u katukila usoma, ku kala onjala lovilemawe kocitumãlo locitumãlo.”
Koloneke vilo olondonge via Yesu vi kasi oku kunda ovina viatiamẽla Kusoma koluali luosi.
Mateo 24:14: “ Olondaka evi viwa Viusoma vi kundilua koluali luosi ha vi lingi uvangi kolofeka viosi, oco esulilo liya noke.”
Ove o ka ci Sola
APULILO ATAMBULUIWA LEMBIMBILIYA
Usoma wa Suku Nye?
Kũlĩhĩsa esunga lieci uviali wa Suku wa velelapo ovosoma osi omanu.
ESSENTIAL BIBLE TEACHINGS
Usoma wa Suku u Lomboloka Nye?
Yesu vokuenda kupange waye woku kunda, eye wa longisa eci catiamẽla Kusoma wa Suku okuti ovina vikuavo ci sule. Tunde kosimbu, olondonge viaye via siata oku likutilila oco Usoma wiye.
