Tin Riyul’ u Murung’agen Gil’ilungun Got
I fil Jesus ngak pi gachalpen ni ngar meybilgad ni nge lungurad: “Chitamangimad ni ga bay u tharmiy: Ngan tay fan fithingam nib thothup, ma ga par ni gur e ga be gagiyegnagmad, min rin’ e tin nib m’agan’um ngay u roy u but’ ni bod rogon ni yibe rin’ u tharmiy.” (Matthew 6:9, 10) Mang Gil’ilungun Got? Uw rarogon Gil’ilungun Got? Ma mang fan ni ngad yibilayed?
Jesus e ir e Pilung u Gil’ilungun Got.
Luke 1:31-33: “Ngam tunguy fithingan ni Jesus. Ma bayi mang be’ nib tolang ma bay nog ni ir Fak Got ni Th’abi Tolang. Mi Somol ni ir Got e bayi pilungnag; ni bod rogon David ni ir e ga’ rok, ma bayi mang pilung rok e piin ni owchen Jakob ndariy n’umngin nap’an; ma gagiyeg ni nge tay e dariy n’umngin nap’an ma dabi math biid!”
Gil’ilungun Got e aram kenggin e machib rok Jesus.
Matthew 9:35: “Me yan Jesus ko pi binaw i yan, ni binaw ni pire’ e girdi’ riy nge binaw nib lich e girdi’ riy, ni i machibnagrad u lan tafen e muulung rorad, ni be machibnag e Thin Nib Fel’ ni murung’agen e gagiyeg rok Got, me golnag e girdi’ u urngin mit e liliy nge m’ar.”
I weliy Jesus murung’agen ba pow ngak pi gachalpen ni nge ayuwegrad ni ngar nanged e ngiyal’ ni ke chugur ni nge yib Gil’ilungun Got.
Matthew 24:7: “Bay reb e nam me cham ngak reb e nam, ma gin nsuwon reb e pilung e bayi mahl ko gin nsuwon reb e pilung. Ma bay i yib e uyongol nge durru’ u gubin yang.”
Pi gachalpen Jesus e yad be machibnag murung’agen Gil’ilungun Got u ga’ngin yang e fayleng e ngiyal’ ney.
Matthew 24:14: “Re Thin rok Got ney Nib Fel’ ni murung’agen e gagiyeg rok Got e bay ni machibnag u gubin yang u fayleng ni nge urngin e girdi’ me nang, ma aram mfini taw nga tomren e fayleng.”
You May Also Like
ESSENTIAL BIBLE TEACHINGS
Mang Gil’ilungun Got?
Nap’an ni i machib Jesus ma Gil’ilungun Got e ir e ba ga’ ni i weliy murung’agen ko girdi’. Ke yoor e chibog ni ma yibilay pi gachalpen e re Gil’ilungun nem ni nge yib.
