Rusiidiʼ Biblia ni dxandíʼ de Reinu stiʼ Dios
Bisiidiʼ Jesús ca discípulo stiʼ guni orarcaʼ sicaríʼ: «Bixhózedu ni nuu guibáʼ, gaca santificar laluʼ. Gueeda Reinu stiluʼ. Gaca ni naluʼ ndaaniʼ guidxilayú, cásica raca ni guibáʼ» (Mateo 6:9, 10). ¿Xii nga Reinu stiʼ Dios yaʼ? ¿Xi cayuni ni? ¿Xiñee naquiiñeʼ guzéʼtenu ni lu ca oración gúninu?
Jesús nga Rey stiʼ Reinu stiʼ Dios
Lucas 1:31-33: «Naquiiñeʼ cuee laluʼ laabe Jesús. Zácabe ti binni risaca ne zábicabe laabe Xiiñiʼ Dios ni nuu guibáʼ, ne Jehová Dios zudii laabe trono stiʼ David, bixhózebe, zuni mandarbe para siempre luguiáʼ ca xiiñiʼ Jacob. Qué zapa Reinu stibe fin».
Nabé guníʼ Jesús de Reinu
Mateo 9:35: «Ne bizulú Jesús canazá ndaaniʼ guiráʼ guidxi ne guidxihuiiniʼ. Canagusiidiʼ ndaaniʼ ca sinagoga, cayuni predicar ca noticia galán stiʼ Reinu ne cusianda guiráʼ clase guendahuará ne guiráʼ clase yuubaʼ».
Bidii Jesús ti señal ca discípulo stiʼ ni zusihuinni maʼ gaxha nuu Reinu que
Mateo 24:7: «Purtiʼ zadinde ti guidxi ne sti guidxi ne zucaalú ti reinu sti reinu, ziuu hambre ne zaca xu roʼ ti lugar ne sti lugar».
Cayuni predicar ca discípulo stiʼ Jesús de Reinu lu guidubi Guidxilayú
Mateo 24:14: «Ne zaca predicar ca noticia galán stiʼ Reinu lu guidubi guidxilayú para gunadiaga guiráʼ xixé guidxi ni, ne oraqueruʼ nga gueeda fin».
Laaca zándaca ziuuláʼdxiluʼ ca ndiʼ
ESSENTIAL BIBLE TEACHINGS
Xii nga Reinu stiʼ Dios
Ca dxi bicheeche Jesús diidxaʼ, jma guníʼ de Reinu stiʼ Dios que de sti tema. Maʼ stale iza huanabaʼ binni gueeda Reinu ca.
CANI ZEEDA LU BIBLIA
Guníʼ Jesús de Reinu stiʼ Dios
Xidé guníʼ Jesús ora bicheeche diidxaʼ. Ximodo rihuinni zuni gobiernu stibe ni jneza ne zannaxhii binni.
