Gu Rengo du Tipa ga Mbori Kindo
Yesu ayugupai fu apefuoko i nikpari nga: “Barani du ngbangbaturũ yo, Ani írisi rimoro airisa. Ga ngbi [kindo] yé, Ani mángi rogo kpotosende wa mo akpi nyemu he, wa du he ngbangbaturũ yo.” (Matayo 6:9, 10) Gine nga ga Mbori Kindo? Ginipai si amangaha? Na tipagine du si aida ani kpari ti ni tipaha?
Yesu nga Bakindo ga Mbori Kindo.
Ruka 1:31-33: ‘Mo ki yambu rimoko nga Yesu. Ko adú ni bahe, i ayá ti ko Wiri Mbori nga Bahe; Gbia Mbori amáa ko ni bakindo a wa titako adu nangia Dawidi, ko ki zogo ngbatunga Yakoba azoga kindi; gako ngbi adíga nga te.’
Kindo angia gu memepai Yesu atungusipai tipaha.
Matayo 9:35: “Yesu ki ta ata dagba abaakporo na akporo dunduko, ki niyugu pai rogo gayo abambutiria, ki nitungusi gu wene pangbanga nga ga ga Mbori ngbi, nihusi ngbatunga akaza na ngbatunga awokote dunduko.”
Yesu ayugu agu apai fu gako abawiriki nika yugo ho nga Kindo ima mbeda ka ye.
Matayo 24:7: “Bambiko rika aboro azínga kuti gu rika aboro, ngbi ki zingi kuti gu ngbi; angbongi nikadu na abazigizo rogo agu arago.”
Ga Yesu abawiriki natungusapai awere tipa Kindo rogo zegino dunduko.
Matayo 24:14: “Gi wene pangbanga nga ga ngbi re i atungusa ha rogo zegino dunduko mbiko ndika fu arikaaboro dũ; ragoho ki digi adiga.”
Gere Ima Rengba a ka Ngba Tiro
AGU ASANAHE BAIBIRI AKARAGAPAI KUTI NI
Ga Mbori Kindo Nga Gine?
Mo bi ndu gupai ngba ga Mbori zogarago ti ni kisusi kura azogarago.
ESSENTIAL BIBLE TEACHINGS
Ga Mbori Kindo Nga Gine?
Ti regbo ga Yesu tungusapai auru kpotosende ane, ko ayugupai tipa ga Mbori Kindo kisusi gu kuraapai dunduko. Tipa dungu kama agarã, aboro aima digo ni kpari tipa gu Kindo re ye.
