Masiga mannana eikhoigi matamda yamna kanba “nonglei nungsit” kumba ama lakkadouri. Madubu Jishuna “sathiba awa ana” haina kourammi. (Maathi 24:21) Eikhoi pumnamakna hairiba awa ana asi soidana thengnaragani. Adubu masidagi eikhoi isa ngakthokchanaba pambeising lei. Madu kari karino?

Jishuna chingthakta meeyamda pikhiba paotak aduda “ahanbada Ishworgi ningthou leibak amasung mahakki dharmachenba thiyu” haina hairammi. (Maathi 6:33) Paotak asi eikhoina karamna injaba yagani?

Ahanbada Ishworgi Ningthouleibak thiyu. Masigi arthadi eikhoina atoppa pumnamaktagi Ishworgi Ningthouleibakna henna maruoina lougadabani haibani. (Maathi 6:25, 32, 33) Asumna karigi haiba yaribano? Maramdi, eikhoina thengnariba samashyasing asi meeoiba amattana kokhanba ngamde. Masibu kokhanba ngamgadabadi Ishworgi Ningthouleibak khaktanani.

Mahakki dharmachenba thiyu. Eikhoina Ishworgi achumba yathang amasung niyamsing injanaba ngamjaba thakta hotnagadabani. Madu karigi maruoiribano? Maramdi, eikhoi isana achum aran lepcharabadi madugi mahei aphaba oiroi. (Paorou 16:25) Adubu, eikhoina Ishworgi chatna pathapsing ngakna chatcharabadi Ishworbu pelhanba khakta nattana eikhoi isagi kannabasu oi.—Jishaiya 48:17, 18.

Ahanbada Ishworgi Ningthouleibak amasung mahakki dharmachenba thiraga leiyu. Meeoi kharanadi sel yamna tanbana makhoigi punsida nungaiba phanggani haina khalli. Maduna maram oiraga makhoigi pukning choithokkhiba yai haina Jishuna mangjounana khanghallammi. Atoppa kharana amuk punsigi langtaknabasingda pukning lupsinkhibadagi makhoina Ishworgi Ningthouleibak thinabagi matam leite haina khanba yai.—Maathi 6:19-21, 25-32.

 Adum oinamak, Ishworgi Ningthouleibakpu sougatchabasingna makhoigi houjik houjikki darkar oibasing phanggani amasung tungda masing thingamdraba thoujal kayasu phanggani haina Jishuna washaklammi.—Maathi 6:33.

Ahanba satapdida leiramba Jishugi seboksingna Ishworgi Ningthouleibak amasung mahakki dharmachenba thijakhi. Adubu makhoina hinglingei matamda awa ana pumnamakki aroiba ubadi phangkhide. Adu oirabasu makhoina hiram kayada kannaba phangkhi. Madu karamna phangkhibage haibadu yengsi.

Makhoina Ishworgi achumba chatna pathapsing injakhi. Maduna maram oiraga Ishworna haiba indabadagi thengnaba khudongchadabasingdagi ngakthokchaba ngamkhi. Ningthouleibak adu soidana lakkani haibagi achetpa thajaba leibana makhoina yamna waba phibham kaya maiyoknaba ngamkhi. Adudasu nattana khudongchadabasing adu maiyoknaba ngamnaba Ishworna makhoida “athoiba panggal” pibikhi.—2 Corinthiya 4:7-9.

Ahanba satapdida leiramba Christiansingna Ishworgi Ningthouleibak hanna thijaduna Jishugi yathang inkhi. Ningthouleibakki nungaiba pao adu makhoina leiriba maphamsingduda sinba thungna sandoklammi. (Colosiya 1:23) Hairiba thabaksi ngasidi kanana touribage?

Thabak asi ngasi Jehovahgi Sakhisingna touri. Ishworgi Ningthouleibakna houjik leiriba taibangpansigi aroiba purakkadaba matam yamna nakkhre haiba makhoina khangi. Maram aduna Jishuna hairamba “ningthou leibakki aphaba wapao asi jati pumnamakta sakhi oinanaba taibangpan apumbada sandokkani; aduga aroiba matam adu lakkani” haiba waphamsi makhoina illaga chatnaba yamna kanna hotnei.—Maathi 24:14.

Nungaiba pao asi phanglaba matungda nahakna kari tougadage? Ahanba satapdida Macedoniagi Beriya saharda leiramba meesingdugi matou tamjanaba eikhoina adombu pukning thougatchari. Pakhonchatpa Poldagi Ningthouleibakki nungaiba paodu taba matamda makhoina “yamna khourangna lousinkhi.” Madudagi makhoina tariba paodu chumbra haina ‘sastrada kupna thijinkhi.’ Chumle haiba khanglaba matungda makhoina tamlibasingdu injakhi.—Pakhonchatpasinggi Thabak 17:11, 12.

Adomsu makhoigi matou tamjaba yai. Ahanbada Ishworgi Ningthouleibak amasung mahakki dharmachenba thijabana houjik houjik khakta nattana tungdasu shanti leiba amasung tangdu leitaaba punsi phanggani.