Ατζεχάνικ, κα αβέλ σαρί κι πφουβ εκ μπουτ μπαρί καταιγίδα, σαρ τι βακεράας. Ο Ιησούς βακερντάς ότι ανταγιά ισί η «μπαρί στεναχώρια». (Ματθαίος 24:​21) Κάι-ντα τι τζας, ναστί νασάσα λάταρ. Αλλά μπορίνασα τι κεράς κάτι για τι αρακχαβάς-αμέν. Σο;

Κι Επί του Όρους Ομιλία, ο Ιησούς βακερντάς: «Συνεχίνεν τι μανγκέν πρώτα ι Βασιλεία [ι Ντεβλέσκι] ντα λέσκι δικαιοσύνη». (Ματθαίος 6:​33) Σαρ κεράσα-λες ανταβά;

Μανγκέν πρώτα ι Βασιλεία ι Ντεβλέσκι. Ανταβά μανγκέλα τι βακερέλ ότι πρέπει τι τσσουβάς ι Βασιλεία ι Ντεβλέσκι πιο οπρέ σαρέ κατά γιαβερά πράγματα. (Ματθαίος 6:​25, 32, 33) Σόσκε; Επειδή ο τζενέ ναστί νασκιαρένα ο προβλήματα ι ντουνιάσκε. Σάντε η Βασιλεία ι Ντεβλέσκι μπορίνελα τι κερέλ ανταβά δύσκολος πράγμας.

Μανγκέν λέσκι δικαιοσύνη. Πρέπει τι κεράς σο νακχέλα αμαρέ βαστέσταρ για τι κεράς αμαρέ ζωγιάτε ο νόμοι ι Ντεβλέσκε. Σόσκε; Επειδή άμα τραμπίνασα αμέν σο ισί σωστός ντα σο ισί λάθος, ο αποτελέσματα να κα αβέν λατσσέ. (Παροιμίες 16:​25) Οκιά μπάνταρ όμως, άμα κεράσα οντουλά σο βακερέλα αμένγκε ο Ντεβέλ, κα κεράς λέσκο γκι ντα κα τθεράς εκ πιο λατσσί ζωή.​—Ησαΐας 48:​17, 18.

Συνεχίνεν τι μανγκέν πρώτα ι Βασιλεία ι Ντεβλέσκι ντα λέσκι δικαιοσύνη. Ο Ιησούς βακερντάς ότι μερικά τζενέ μπορεί τι χουχάντιβενας  ντα τι πακιάνας ότι κα αβένας αρακχαντέ άμα κα τθερένας μπουτ λοβέ. Γιαβερά μπορεί τι μουκχένα ο προβλήματα σο τθερένα κάθε ντιβές τι λεν σαρό λένγκο σαάτι ντα σαρί λένγκι ζορ ντα αντικάς να τθερένα σαάτι ι Βασιλειάκε.​—Ματθαίος 6:​19-21, 25-32.

Όμως, ο Ιησούς ντινάς πο λάφι ότι οντουλά σο τσσίντενα κατά Βασιλεία ι Ντεβλέσκι κα τθερέν ο πράγματα σο τθερένα ανάγκη ακανά, ντα κο μέλλον κα τθερέν μπουτ ευλογίες.​—Ματθαίος 6:33.

Παρόλο σο ο μαθητές ι Ιησούσκε μανγκένας πρώτα ι Βασιλεία ι Ντεβλέσκι ντα λέσκι δικαιοσύνη, τθερένας ντουκχ ντα προβλήματα. Όμως, ισινέ αρακχαντέ. Σαρ;

Τζουβντιόνας σαρ βακερένα ο δίκαιοι κανόνες ι Ντεβλέσκε, ντα ανταβά αρακχαβέλας-λεν κατά προβλήματα σο τσσίντενας οντουλά σο να ντένας καν ι Ντεβλές. Λένγκι μπαρί πίστη ότι η Βασιλεία κα αβέλ, βοηθίνελας-λεν τι νταϊντίνεν ατζέ-ντα κο πιο μπαρέ προβλήματα. Ντα ο Ντεβέλ ντέλας-λεν ι “ζορ σο ισινέ πιο μπαρί λένγκε ζοριάταρ” για τι νταϊντίνεν.​—2 Κορινθίους 4:​7-9.

Ο πρώτοι Χριστιανοί ντινέ καν κι εντολή κι Ιησούσκι τι μανγκέν πρώτα ι Βασιλεία. Βακερντέ ο λατσσέ αμπέρια ι Βασιλειάκε σαρό κο ντουνιάς αζομάν. (Κολοσσαείς 1:​23) Κερέλα-λες ανταβά καέκ τζενό αντιβές;

Βα! Ο Μάρτυρες ι Ιεχωβάσκε αγαβένα ότι να ατσσιλό μπουτ βακίτι μέχρι τι ανέλ η Βασιλεία ι Ντεβλέσκι ο τέλος ανταλέ ντουνιάσκο. Οτθάρ, χρησιμοποιήνενα σαρί πουμαρί ζορ για τι κερέν ο έργος σο βακερντάς λένγκε ο Ιησούς: «Ανταλά λατσσέ αμπέρια ι Βασιλειάκε κα βακέρντιβεν σαρί κι πφουβ για τι ασουνέν-λεν σαρέ ο τθεμά, ντα αζομάν κα αβέλ ο τέλος».​—Ματθαίος 24:14.

Σο κα κερέν τουμέν; Μολίνασα-τουμέν τι κερέν οντουβά σο κερντέ ο τζενέ σο μπεσένας κι Βέροια. Κάνα ασουντέ ο λατσσέ αμπέρια ι Βασιλειάκε κατά απόστολος Παύλος, δεχτιντέ-λεν «αντράλ πουμαρέ γκίσταρ». Σοράν, “διαβαντέ προσεκτικά ο Γραφές” για τι αβέν σίγουροι οντουλένγκε σο ασουντέας ντα κερντέ-λεν πουμαρέ ζωγιάτε.​—Πράξεις 17:​11, 12.

Μπορίνενα τουμέν-ντα τι κερέν-λες ανταβά. Άμα μανγκένα πρώτα ι Βασιλεία ι Ντεβλέσκι ντα λέσκι δικαιοσύνη, κα αβέν αρακχαντέ ακανά ντα κα τθερέν ειρήνη για πάντα κο ντιβεσά σο κα αβέν.