“If Eni a Unu Waahn Bee Impoatant, Unu Hafu Bee di Neks Wan Dehn Servant”
Di teecha dehn a di Laa ahn di Farisee dehn mi tink tu moch a dehnself. Dehn mi laik wen peepl noatis dehn ahn hayl dehn op da di maakit skwyaa
Di teecha dehn a di Laa ahn di Farisee dehn mi laik du tingz jos fi mek peepl noatis dehn ahn dehn mi aalwayz waahn bee moa impoatant dan adaz. (Mach 23:5-7) Bot Jeezas da neva laik dat. “Hihn neva kohn fi mek nobadi serv hihn, bot hihn kohn fi serv ada peepl.” (Mach 20:28) Yu fain yuself di werk haad onli pahn tingz eena yu wership weh peepl ku si ahn prayz yu fa? Fi bee laik Jeezas wi need fi tink bowt weh ada peepl need fos ahn si how wi ku help dehn owt. Moas a di taim, ada peepl noh eevn si wen yu du dis kaina werk, onli Jehoava seeʼt. (Mach 6:1-4) Wahn hombl servant wahn . . .
-
du ih paat fi kip di Kingdom Haal kleen
-
luk fi si how ih ku help owt di oalda wan dehn an adaz
-
help sopoat di Kingdom werk chroo doanayshan