20:28

Woloŋmalɔi kɛ Farisifoi henɔwolɔi lɛ sumɔɔ ni amɛhiɛ aba nyam yɛ mɛi ahiɛ, ní amɛhe gbɛ́i. (Mat 23:5-7) Shi esoro Yesu kwraa. Biblia lɛ kɛɛ: “Gbɔmɔ Bi lɛ baaa koni asɔmɔ lɛ, shi eba sɔɔmɔ moŋ.” (Mat 20:28) Ani nitsumɔi titrii ni wɔsumɔɔ ni wɔtsu yɛ Yehowa sɔɔmɔ lɛ mli ji nitsumɔi ni mɛi baana ni amɛjie wɔyi? Kɛ́ wɔmiisumɔ ni wɔtsɔmɔ mɛi agboi yɛ Nyɔŋmɔ hiɛ lɛ, no lɛ, esa akɛ wɔkase Yesu, ni wɔ hu wɔsɔmɔ mɛi krokomɛi. Nitsumɔi ni atsuɔ kɛsɔmɔɔ mɛi lɛ pii yɛ ni mɔ ko mɔ ko enaaa; Yehowa pɛ naa. (Mat 6:1-4) Mɔ ni baa ehe shi, ni eesumɔ ni esɔmɔ mɛi lɛ . . .

• yeɔ ebuaa kɛhã Maŋtsɛyeli Asa lɛ nɔ saamɔ kɛ ekuramɔ

• yeɔ ebuaa mɛi ni egbɔlɔ lɛ kɛ mɛi krokomɛi, ni jeee ja akɛɛ lɛ dã

• tsuɔ onia kɛfiɔ Maŋtsɛyeli lɛ sɛɛ