GYỌ́-GYỌ́ LÓ NU EA DI MM̀ MOǸ BEL BÀRÌ | MÁÁTÌÙ 20-21
“Nen E A Dìí Zẹ̀ẹ̀ E A Gbĩ́ Ge Bọọ Á Sí Tóm Nè Na Gbòa”
20:28
À ólò leemá gbò nóòmà log nè pá Fárèsíì e bà dú gbò dàlà kpá ló boo kọ bàá nyimàè va ló nè ge kanàè va mon gbẹá kè ki
Gbò nóòmà log nè pá Fárèsíì e bà dú gbò dàlà kpá ló boo ólò gbĩ́ kọọ̀ gbò nen á nveenìè va ka ló kọ̀láá kiẽ́e e bà kilìè. (Máát. 23:5-7) Sõò Jíízọ̀s beè dú kele. Ẹlẹ beè kọọ̀: “Dì belí nda, Sã́áná Nen, e bè ní beè dú ló ge kọ gbò nen á sí tóm nè. Tãa vó, m beè dú ló ge sí tóm nè gbò nen.” (Máát. 20:28) É kọọ̀ beele ólò gbĩ́ gè fã̀ Bàrì mm̀ bá ea é náa kọọ̀ gbò nen á lèèlài? Be è gbĩ́ì ge bọọ́ kèsĩ́ Jìhóvà, èé piìga boo gè belí Jíízọ̀s vaá naa kọ̀láá kiẽ́e e bẹẹ kpóó sim tùlà ge nvèè bá nè dõòna gbò. Íb gbò tómá ólò siá e bè tọ́ọ̀ nen náa gé nveè kpíí ló—áá Jìhóvà ní ea ólò nvèè kpíi lóé. (Máát. 6:1-4) Neǹ tóm ea kilmà lóó kẽ é . . .
-
sí tóm ge õ̀ònà ló Kíndòm Họ́ọ̀l vaá tú kà lé bá ẹ̀bmà
-
tú láb tọ mm̀ ge nvèè bá nè gbò e baa ni dú kà nen mm̀ dee nè dõòna gbò
-
tú kpègè nvèèmà sãa kúm sìtóm kọ̀ kpẹ̀a ea kil ló Boǹ Ménéí
