“Mẹdepope He Jlo Na Lẹzun Kiklo to Mì Ṣẹnṣẹn Dona Yin Lizọnyitọ Mìtọn”
Wekantọ po Falesi goyitọ lẹ po nọ jlo dọ mẹdevo lẹ ni doayi yé go bo dọnudo yé to ahimẹ
Wekantọ po Falesi goyitọ lẹ po nọ jlo na dọ̀n ayidonugo mẹdevo lẹ tọn bosọ nọ jlo na diyin. (Mt 23:5-7) Amọ́, Jesu uwọ gbọnvo. “Visunnu gbẹtọ tọn wá, e ma yin nado yin lizọnyina gba, ṣigba nado yilizọn namẹ.” (Mt 20:28) Be adà sinsẹ̀n-bibasi tọn he go mẹlẹ na doayi bọ e na hẹn pipà wá na mí lẹ wẹ mí nọ na ayidonugo hugan ya? Nado diyin to nukun Jehovah tọn mẹ, mí dona nọ dovivẹnu nado gọalọna mẹdevo lẹ dile Jesu wà do. Mẹdevo lẹ ma nọ saba doayi azọ́n mọnkọtọn lẹ go, Jehovah kẹdẹ wẹ nọ doayi e go. (Mt 6:1-4) Lizọnyitọ whiwhẹnọ de nọ . . .
-
do mahẹ to Plitẹnhọ Ahọluduta tọn hinhẹn do wiweji po nukunpipedego po mẹ
-
ze afọdide tintan nado gọalọna mẹhomẹ lẹ po mẹdevo lẹ po
-
nọgodona nukọnyiyi Ahọluduta lọ tọn to akuẹzinzan-liho