“Ọngọlẹ Kọọwa Ayịdang á Tịtọ kọ ka Ri Ọngọ Ọtụka ẹ-Ẹpwụ Nyanụ Wuu lẹ Aalẹ, Ọngọọwa a Juwa Myịnụ Ẹrụ Lala Ọnchẹ Nyanụ . . . Mẹ”
ỊTịcha ị-mẹ ehile nya iMosisi jẹ bala ala ịFarịsii ị-hi ọbọọchẹ kaa tịtọ ká angịnyị ịla ihi ka da ọnụ chaa bala ọ-ka jwaa ihi
ỊTịcha ị-mẹ ehile nya iMosisi jẹ bala ala ịFarịsii ị-hi ọbọọchẹ kaa tịtọ ká ẹhị nya angịnyị angịkịla ka yaa bala ịwa ọ-ka hụhụ i-iwe ahụrụ ọlịhị-ịhị wuu. (Mat 23:5-7) IJisọsị ọwa tị datị hyaa gbaang-gbaang. ‘Ọ warị nya ọngọ ọtụka ka. Ma, ọ warị kaka myị ẹrụ ha angịnyị ehe lala ọnchẹ nyaa.’ (Mat 20:28) Ahị kaa maga nyọka họ ụkụrwọ nya Ohe ọlẹ ká ẹhị nya angịnyị angịkịla ka yẹ bala ịwa ọ-ka jihi obe kem ịnyị? Ọ-ka kịnyaa la ọ-myị ẹrụ ha angịkịla jaabwọ ká ịKịrayịsị họ a ri ọngọ ọtụka oriri ẹ-ẹga nya Ohe lẹ. Ụkụrwọ ọlịnyị—ẹhị nya angịnyị-ị yọọ ka, iJihova kem a kaa jẹ́ lẹ. (Mat 6:1-4) Ọngọ kpa ịlọmwụ keji myị ẹrụ ha angịkịla ka . . .
-
juwa họ ụkụrwọ nya ọ-kpa Ube nya Ịpyị-adịrahụ cheri-cheri
-
maga nyọka da angịgbahị ụbwọ ta angịkịla ịnyịnyị la ọngọngẹhẹ ọ-byo ịnyị ka
-
gba ụbwọ kpehe nyọka da ụkụrwọ nya Ohe Oluhye ụbwọ