20:28

Banembeshi ne Bafaliseo belundumikile bingi kabiji bakebanga kutokesha bantu ku muchima ne kukeba bifulo bikatampe. (Mat 23:5-7) Yesu wapuseneko na bano bantu. “Mwana muntu byo aishile, kechi waishile’mba bamwingijile ne, poso amba ebengijile.” (Mat. 20:28) Nanchi byo twingila mwingilo wa Lesa tumwingila kuba’mba bantu betumone ne kwitutakaika nyi? Inge tukeba Yehoba kwitutemwa, twafwainwa kwibikako kwikala byajinga Yesu ne kukwashanga bakwetu. Kukwasha bakwetu, kechi kumweka javula ku bantu ne, bino Yehoba ye umona. (Mat 6:1-4) Muntu wipelula . . .

• wingilako mwingilo wa kupyanga ne kuwamisha Nzubo ya Bufumu

• witendekelakotu mwine kukwasha bakote ne bantutu bakwabo

• upanako mali a kukwasha mwingilo wa Bufumu