NYƐM TƆƆƆMAŊ O DIOM MƐLƐKAA NIŊ | MAATIU 20-21
“Wana Wa Nya Tɛɛŋ Pɛ Mbo Yeema le Waa Wana Bɛndu Pɛ, Mɛɛ Mi Wana Koŋ o Wa Buɛiyo le Haa Kpou”
Wanaa ndaa pɛɛku waŋnda sawala Mɛlɛkalaŋ nda a Falisiiya ndaa kaala bɔɔ le mi waŋnda ndaa che nda te a wa nda pɛ yilɔɔ o lɔɔlaŋ niŋ
Wanaa ndaa pɛɛku waŋnda sawala Mɛlɛkalaŋ nda a Falisiiya ndaa yeema acheleŋnda kindilaa kpɔtɔtɔ nduyɛ ndaa yeema tɔɔ bɛndoo. (Mat 23:5-7) Chiisu waŋnuŋ teŋgeŋ. “Mɛɛ wana nda veelu aa, Po Wana Pɔnɔɔ wo cho yɛ. O hiŋ le mi wana saaŋgial ndu le, kɛ le mbo saaŋgial waŋnda.” (Mat 20:28) Baa ŋ nɔ pa miŋ handu kɔllo suei o Mɛlɛka naa piɛiyo niŋ le tɔɔ bɛndoo a saŋgalaa sɔlaa? Te ŋ yeema pɛ waa wanaa sɔvɛ Chɛhowa o hɔl, ŋ nɔ miŋ kindiŋ le waa maa Chiisu nduyɛ miŋ tosa o naŋ tiuba le acheleŋnda malaa wo. Ŋ tosa hei wanaa cheleŋ nɔ ma sina a ndi okɔɔ le. Chɛhowa kinɛi nɔ ni mbo sina. (Mat 6:1-4) Wana diikuŋ le acheleŋnda saaŋgiallo wo nɔ . . .
-
mbo yɔŋguŋ le Toŋgo leMasaa dindioo vɛlɛ a ndu biyɔɔ nyɛkɛndɛi
-
mbo wa a yeemɛi le bɛnduaa yuuwa a wanaa cheleŋnda malaa
-
mbo toolu a nyɛsɔlaa le wali Masale Mɛlɛkaleŋ hivioo lachi
