«Qa at jun kyxole taj tuʼn tten mas toklen, e tok te ajbʼel kyeye»
Kygantoq xnaqʼtzal tiʼj ley ex qe fariseo tuʼn tok kyqʼoʼn txqantl xjal kywitz kyiʼj ex tuʼn kyok qʼolbʼeʼn kyuʼn «tuj plas».
Kyajtoq xnaqʼtzal tiʼj ley ex qe fariseo tuʼn tok qʼoʼn mas kyoklen kyuʼn txqantl ex tuʼn kyok nimen kyuʼn (Mt 23:5-7). Atzunte Jesús junxitl kywitz. Tqʼama jlu: «Mintiʼ ma chin ule tuʼn kyajbʼen mastl weye, noq oʼkx tuʼn wajbʼene kye mastl» (Mt 20:28). ¿Yajtzun qe? ¿In nok tilil quʼn tuʼn tten jun qoklen tiʼj qajbʼebʼil te Dios aju jaku tzʼok qʼoʼn mas qoklen tuʼn ex tuʼn ttzaj qʼamaʼn tbʼanel yol qe? Tuʼn tok qʼoʼn qoklen tuʼn Jehová, il tiʼj tuʼn tten qmod ik tzeʼn te Jesús ex tuʼn tok tilil quʼn tuʼn qonin kyiʼj txqantl. Nimku maj, aʼyeju tiʼchaq lu mintiʼxix in che ok qkeʼyin, oʼkx Jehová in nok tqʼoʼn twitz tiʼj (Mt 6:1-4). ¿Tiʼ aqʼuntl in bʼant tuʼn jun ajbʼel mintiʼ in jaw tnimsan tibʼ?
-
Tzʼonina tuʼn tbʼaj saqset ex tuʼn tbʼaj bʼinchet chʼintl Ja te Chmabʼil.
-
Ximana tuʼn tonina kyiʼj qeju ya ma che tijen ex kyiʼj txqantl erman.
-
Onina tukʼil pwaq tuʼn tonina tiʼj aqʼuntl in bʼant tiʼj Tkawbʼil Dios.