20:28

Nopa fariseos uan nopa escribas katli moueyimatiyayaj tlauel kinpaktiyaya sekinok ma kintlachilikaj (Mt 23:5-7). Jesús amo kiampa eliyaya. “Axniualajtok para nikinnauatis tlakamej ma nechtekipanokaj. ¡Axtle! Niualajtok para nikintekipanos tlakamej” (Mt 20:28). Uan kema tojuantij tijtekipanouaj toTeotsij, ¿san tijchiuaj kampeka kuali tijchiuasej se keski tekitl pampa tijnekij sekinok kuali ma techitakaj uan ma techuejkapantlalikaj? Tlaj tijnekij Jehová ma techpatiita moneki tijchiuasej kej Jesús kichijki uan tikinpaleuisej sekinok. Kemantika tlen tijchiuasej amo kiitasej sekinok, san Jehová kiitas (Mt 6:1-4). ¿Tlake tekitl kichiua se itekipanojka toTeotsij katli amo moueyimati?

• Tlapaleuia kema tlachpanaj uan kikualtlaliaj nopa kali kampa timosentiliaj.

• Kichiua kampeka kinpaleuis katli ya uejueyij uan sekinok toikniuaj.

• Temaka itomij uan kiampa tlapaleuia ma momoyajto toTeotsij iTlanauatijkayo.