20:28

Aanongompango nAafarisayi aanuuntsa oya li ye hole esimano nokwiimonikitha. (Mat 23:5-7) Jesus hasho a li ngawo. Ombiimbeli otayi ti: ‘Omuna gwOmuntu ine ya okuyakulwa, ihe okuyakula.’ (Mat 20:28) Mbela ohatu longo owala nuudhiginini miinima mbyoka tu shi kutya otayi tu etele esimano notayi tu pandikitha kuyalwe? Ngele otwa hala okukala twa simana ngaashi Jesus, otwa pumbwa okukala hatu kwathele yalwe. Olundji shoka hatu ningi tu ya kwathele ihashi monika kuyalwe, ihe Jehova oye owala he shi mono. (Mat 6:1-4) Omuyakuli nenge omukalele i ifupipika . . . 

• oha kutha ombinga mokwoopaleka Oshinyanga shUukwaniilwa nomoku shi kaleka monkalo ombwanawa

• oha kwathele aakokele nayalwe

• oha ambidhidha pashimaliwa iilonga mbyoka tayi humitha komeho Uukwaniilwa