MAHUMO AO A LEGO KA LENTŠUNG LA MODIMO | MATEO 20-21
“Yo a Nyakago go ba yo Mogolo Gare ga Lena e Swanetše go ba Modiredi wa Lena”
Bamangwalo le Bafarisei bao ba ikgogomošago ba be ba rata go bonwa le go dumedišwa ka tlhompho borekišetšong
Bamangwalo le Bafarisei bao ba ikgogomošago ba be ba nyaka go no kgahla batho e bile ba nyaka go ba le maemo. (Mat 23:5-7) Eupša Jesu o be a sa swane le bona. “Morwa wa motho [o be] a se a tlela go hlankelwa, eupša a tletše go hlankela.” (Mat 20:28) Na re rata dikabelo tšeo di dirago gore re tume le gore batho ba re rete? Ge e ba re nyaka gore Jehofa a re tšee re le ba bohlokwa goba ba bagolo, re tla leka go ekiša Jesu gomme ra dira sohle seo re ka se kgonago gore re thuše batho ba bangwe. Gantši mediro yeo ga e bonwe ke batho, eupša e bonwa ke Jehofa feela. (Mat 6:1-4) Mokriste yo a ikokobeditšego . . .
-
o tšea karolo go hlwekišeng Holo ya Mmušo le go e hlokomela
-
o dira sohle seo a ka se kgonago go thuša batšofadi le batho ba bangwe
-
o thekga mediro ya Mmušo ka go neela ka tšhelete
