20:28

Ovanongo vovihonekwa no va Faliseu ankho vena elungavi nokuovola omunkhima tupu ankho vetyihole tyokulilekesa kovanthu. (Mat. 23:5-7) Mahi Jesus ankho welikalela. Ombimbiliya ipopia okuti, “Omona womulume keile okuundapelwa, mahi weile okuundapela vakuavo.” (Mat. 20:28) Okuti hamwe tulinga vala ovipuka mewaneno opo tutalwe na vakuetu iya atupandulwa? Inkha tuhanda okukala ovanthu vakolela komaiho a Jeova tuna okuliola omutima iya atukala tyafuapo opo tukuateseko vakuetu. Otyo tyakutikinya okulinga ovipuka vihamonwa novanthu—vimonwa vala na Jeova. (Mat. 6:1-4) Omunthu weliola omutima . . .

• ukuatesako okusukula Ondyuo Youhamba nokuiviukisa

• ukuatesako vana vakulupa novanthu ovakuavo

• ulinga oviawa opo akuateseko ovilinga Viouhamba ouye auho