“Muthu Wagasue Watshigina Gukhala Wakoma Mukatshi Dienu, Udi Naye Gukhala Muenya Mudimo Wenu”
Alongeshi a mikhuala anyi akhalele enya lulendo nu Afalese, akhalele mutshigina muavula gujiyiwa nu gumenegewa mu fundo dia zando
Alongeshi a mikhuala anyi akhelele enya lulendo nu Afalese, akhalele mudimonesa gudi athu ako, nu akhalele muzumba lutumbu. (Mat 23:5-7) Uvi Yesu wakhalele wagudisha. Wazuelele egi: ‘Mun’a Muthu gajilego hagula athu amukuatele mudimo, uvi wajile ha gukuatela athu mudimo.’ (Mat 20:28) Tuana gukalagala ngolo ha gutshita thomo ndaga jia gikombelelo gietu jinyi jiajiya gutubatela ginemua nu lutumbu ba? Gula tuatshigina gukhala athu akoma gu meso a Yehowa, tudi naye gukhala gifua Yesu nu gukalagala ngolo ha gukuatesa athu ako. Mahugo avula, gukalagala ngenyi guana gumonega ndo gu meso a athu—phamba Yehowa wana guyimona. (Mat 6:1-4) Muenya mudimo wa gudibulumuisa wana . . .
-
gudihana ha guwevua nu gulondega Inzo ya Ufumu
-
gukamba gukuatesa Aklisto adi a gukola, nu Aklisto ako
-
guhana musomonyi ha gukuatesa ndaga jia Ufumu jiye gutuama