“Qamkunachö pipis precisaq këta munaqqa, qamkunapa sirweqnikikunam kanan”
Alli tukoq fariseukunata y Ley qellqaqkunataqa alläpam gustëkoq alabapäyänan y “qatukuyänan pampachö” saludayänan.
Wakinkuna alabayänanrëkurmi alli tukoq fariseukuna y Ley qellqaqkunaqa imëkata rurayaq (Mt 23:5-7). Peru Jesusqa manam pëkunanötsu karqan. Pëqa manam “sirwishqa kanampaqtsu shamushqa, sinöqa sirwikoq kanampaq[mi]” (Mt 20:28). ¿Y noqantsikqa? ¿Imatapis chaskinallapaqku o alabashqa këta munarllaku Jehoväta imëkachöpis sirwinapaq kallpachakuntsik? Jehoväpa rikëninchö precisaq kanapaqqa, Jesusnöllam kanantsik y wakinkunata yanapanapaqmi imëkata ruranantsik. Höraqa manam musyayanqatsu ruranqantsikkunata, peru Jehoväqa imëkatapis rikëkanmi (Mt 6:1-4). Humildi kaqkunaqa, ¿imanötaq yanapakuyanman?
-
Diospita yachatsikunantsik wayita limpiarnin y altsayaptin yanapakurnin.
-
Edäyashqakunata y wakin cristiänukunata yanaparnin.
-
Diospita yachatsikuyänampaq qellëninkunawan yanapakur.