BUPETA BWA MWIYI DY’EFILE MUKULU | MATEO 20-21
“Su muntu akyebe kwikala mukata munkatshi mwenu, aikale mufubi eenu”
Bafundji na Bafadisee ba sha kwitatula abadi bafule bwabadya kwibamona na kwibapa kineemo mu mbalo ya kisalwe
Bafundji na Bafadisee ba sha kwitatula abakuminanga kukanyisha bangi na lwabi lwabo lwa kwitumbisha. (Mat 23:5-7) Yesu badi mwilekene nabo. Mwanda ‘Mwan’a muntu bafikile kushii bwa kufubilwa, anka bwa kufubila bantu.’ (Mat 20:28) Atubandaa kwipana mu myanda ya lulangwilo ilombene kwitupa ntumbo na kineemo su? Muyile mweneno a Kidishitu, kineemo akifikaa mu kufubila bangi. Bu midimo yatufubu kushi muntu kwitumona, yabamono penda kwi Yehowa. (Mat 6:1-4) Mufubi mwiyishe akyebe . . .
-
kwipana mu kukomba na kulumbula Nshibo ya Bufumu
-
kwata mpàngo ya kukwasha banunu na bangi
-
kutusha bya buntu bwa kukwatshishena myanda ya Bufumu
