“‘Ilonga ‘a Ia ‘Oku Loto ke Hoko ko e Lahi ‘i Homou Lotolotongá Kuo Pau Ke Ne Hoko ko Ho‘omou Sevāniti”
Na‘e sai‘ia ‘a e kau sikalaipe mo e kau Fālesi loto-pōlepolé ke fakatokanga‘i mo fakalea ange kiate kinautolu ‘i he feitu‘u fai‘anga fakataú
Na‘e loto ‘a e kau sikalaipe mo e kau Fālesi loto-pōlepolé ke toka‘i kinautolu ‘e he ni‘ihi kehé mo ma‘u ha tu‘unga tu‘u-ki-mu‘a. (Māt. 23:5-7) Na‘e kehe ‘a Sīsū ia. “Ko e Foha ‘o e tangatá, na‘e ‘ikai ha‘ú ke tauhi fakasevāniti ki ai, ka ke ngāue fakasevāniti.” (Māt. 20:28) ‘Oku fakahangataha ‘etau feingá ki he ngaahi tafa‘aki pē ‘o e lotú ‘oku ‘ilo‘i mo fakahīkihiki‘i ai kitautolú? Ko e tu‘unga-lahi hangē ko Kalaisí ‘oku tupu ia mei he‘ete tokanga ki he lelei ‘a e ni‘ihi kehé. ‘Oku ‘ikai ke fa‘a fai fakahāhā ‘a e ngāue peheé ia—ko Sihova pē ia ‘okú ne ‘afio‘í. (Māt. 6:1-4) Ko ha sevāniti anga-fakatōkilalo te ne . . .
-
kau ‘i hono fakama‘a mo tauhi ‘a e Fale Fakataha‘angá
-
tamu‘omu‘a ‘i he tokoni ki he kau ta‘umotu‘á mo e ni‘ihi kehé
-
tokoni fakapa‘anga ke poupou‘i ‘a e ngaahi me‘a ‘o e Pule‘angá