20:28

Laktlankajwa escribas chu fariseos xlakaskinkgo pi xkamalankika chu kaks xkamalakawaniputunkgo amakgapitsin (Mt 23:5-7). Jesús ni chuna xlikatsi. Biblia wan pi «xKgawasa chixku ni milh xlakata naskujnanikan, wata milh xlakata nakaskujnani amakgapitsin» (Mt 20:28). ¿Chu akinin? ¿Tlakg liskujaw kxtaskujut Dios niku tlakg kinkamalankikanan chu kinkawanikanan lakwan tachuwin? Xlakata Jehová xlakaskinka nakinkaʼakxilhan, kilikatsitkan la Jesús chu naliskujaw xlakata nakamakgtayayaw amakgapitsin. Lakgachunin, umakgolh taskujut ni akxilhkgo amakgapitsin, kajwatiya Jehová akxilha (Mt 6:1-4). ¿Tuku taskujut tlawa skujni tiku ni tlankajwa?

• Makgtayanan akxni kaxakakan chu kaxtlawakan pukgalhtawakga

• X’akstu lakapastaka nakamakgtaya tiku linkgoya kata chu amakgapitsi natalan.

• Xatapaxuwan limakgtayanan tumin xlakata natatlawa taskujut xla Tamapakgsin