TAO‘A RAU BIBILIA | MATAIO 20-21
“O tei hinaaro hoi ia rahi i rotopu ia outou, ia riro ïa ei tavini no outou e tia ’i”
Mea au roa na te mau papai parau teoteo e te mau Pharisea ia haere na te mahora ia hi‘ohia e ia arohahia ratou e te taata
Ua hinaaro te mau papai parau teoteo e te mau Pharisea ia faahanahanahia e ia faatietiehia ratou. (Mt 23:5-7) Mea ê râ o Iesu. “Ua haere . . . mai te Tamaiti a te taata nei eiaha ia tavinihia oia, no te tavini râ.” (Mt 20:28) Te rave noa anei ra tatou na mua roa i te mau tuhaa o te taviniraa no te hanahana e te arueraa ta te reira e hopoi mai? E riro tatou ei taata rahi i te aro o Iehova a tutava ’i i te pee i to Iesu hi‘oraa e a tauturu ai ia vetahi ê. Pinepine e mau ohipa tera ta te taata e ore e ite, o Iehova ana‘e râ te ite. (Mt 6:1-4) Teie ta te hoê tavini haehaa e rave:
-
E apiti oia i roto i te tamâraa e te atuaturaa i te Piha a te Basileia
-
E tauturu oia i te feia ruhiruhia e te tahi atu
-
E horoa oia i te mau ô no te turu i te mau ohipa a te Faatereraa arii
