«Te machʼa ya scʼan te mucʼ scʼoblal ya xcʼoht ta awohlilic, ha me aʼbat ya xcʼoht ta atojolic»
Te jtoyba escribanoetik sok fariseoetik jaʼ la smulanik te ya yichʼik ilel yuʼun te ants winiketik sok te ya yichʼik patbeyel yoʼtanik ta «plaza» yuʼun merkado.
Te jtoyba escribanoetik sok fariseoetik jaʼ la smulanik te ya yichʼik naʼbeyel sba, jaʼ yuʼun chajpnax-a te bintik la spasike (Mt 23:5-7). Ma jichuk la spas stukel te Jesuse. «Como te Nichʼanil ay ta scuenta winic ma ba tal ta aʼbatinwanej, ha tal yacʼ sba ta aʼbatinel» (Mt 20:28). Ta ora ini ay bayal aʼtelil ya yichʼ pasel ta stojol Dios, pero ¿jaʼnaxbal ya jmulanxan spasel te banti ya kichʼ utsil kʼoptayel sok ta ichʼel ta mukʼ yuʼune? Teme ya jkʼantik mukʼ jkʼoplaltik ta sit te Jehovae ya skʼan ya x-abatinotik ta stojol te yantike. Te kʼalal jich ya jpastik-abi ay ma xyichʼ ilel pero ya yil stukel te Jehovae (Mt 6:1-4). Te machʼa pekʼel yoʼtane ya spas te aʼteliletik ini:
-
Ya xkoltaywan ta skusel sok ta slekubtesel te sNail Tsobleje.
-
Ya xlokʼ ta yoʼtan skoltayel te machʼatik ayix yaʼbilalik sok te yantike.
-
Ya yakʼ majtʼan takʼin ta skoltayel te aʼtelil yuʼun te Wentainele.