20:28

Li jchanubtasvanejetik ta Mantal xchiʼuk li jfariseoetike jaʼ noʼox tskʼanik ti tsotsuk skʼoplalik xchiʼuk ti lekuk x-ilatik yuʼun li krixchanoetike (Mt 23:5-7). Yan li Jesuse mu jechuk la spas. «Li Xnichʼon krixchanoe muʼyuk bu tal sventa xtunik ta stojolal, yuʼun tal tunuk» (Mt 20:28). Li voʼotik eke, ¿mi chkakʼbetik yipal chijtun ta stojolal Dios yoʼ xkichʼtik lek ojtikinel xchiʼuk ti lekuk xkichʼtik albel jkʼoplaltike? Sventa tsotsuk jkʼoplal xilutik li Jeovae, skʼan jchanbetik stalelal li Jesuse xchiʼuk jpastik ti bu kʼalal xuʼ kuʼuntik yoʼ jkoltatik li yantike. Akʼo mi muʼyuk buchʼu chil li kʼusi ta jpastike, pe li Jeovae yiloj skotol (Mt 6:1-4). ¿Kʼusi tspas li jun jtunel ti bikʼit chakʼ sbae?

• Chkoltavan ta xchʼubael xchiʼuk ta skʼelel ti lekuk noʼox oy li Salon sventa Tsobobbaile.

• Tskolta li mol meʼeletike xchiʼuk li yan ermanoetike.

• Tskolta sba ta takʼin ta sventa li Ajvalilal yuʼun Diose.