20:28

Awiixuttihi a ikano ni aFarisi yaari oowiixinnuuha. Awo yaaphavela wooniwa ni atthu ni ottittimihiwa. (Mat 23:5-7) Masi Yesu aari oovirikana naawo. Owo aahimmye so: “Mwana a Mutthu kharwenle orumeliwa: arwenlé warumela atthu”. (Mat 20:28) Niireke hiyo ninsiveliwa opaka itthu mmulokoni niphavelaka ovuwa ni ottottopeliwa? Masi, naaphavelaka okhala aalupale vamaithoni va Yehova, niiyeviheke ni naakhaliheryeke akina. Muteko owo onooniwa ni Yehova paahi. (Mat 6:1-4) Mutthu oowiiyeviha . . . 

• Onnikhaliherya orattela ni olokiherya Empa ya Omwene.

• Onniivahererya waakhaliherya ale oowuuluvala ni atthu akina.

• Onnivaha musurukhu awe wira okhaliherye Omwene.