Ama Kristen mu dong wala Hukum Musa he uwa mia na. Haba, parentah ayoki ahola ba hukum hedi mia, heimu parentah ba Allah ya pi mokeni mihiyena pi dara mipaneng. (Mat 22:37-39) Kang heiwuda mu pi mani sei dar popa na, hare pi mifik ba mipaneng te. He cara nuku mu leng kopang pi Surah Rieling mihalal. Opi kul penting. Allah he sifat-sifat ba Surah Rieling mia pi wotanut, pi mipomahia ”Yehuwa mu kul kang”. (Mz 27:4) Hekang, pi kul mihiyena iti, pi cara tanut he tanut wuda. De pomi hasuong ba pi he parentah haluol, hanaisena mia ama afena mihiyena. (Yoh 13:34, 35; 1Yoh 5:3) E Surah Rieling mihala de masena temati, tips sua opi haluol:

• Ai wotanut, ya e indera wei puna. Wotanut e ya hei mia. Nala he e helala, womahia, miahel? Tokoh-tokoh ba ya hei mia he perasaan lateiwuda?

• Cara kabei puna. Hedosama: (1) Ama daliela puna mibaca, namati mibaca sambil rekaman audio womahia. (2) Pasal-pasal e mihala dotikala, mikang ti tokoh namati topik Surah Rieling nunuku e mihalal. Hedosama, Yesus hei mihalal, Lampiran A7 namati B12 ba Kitab Suci Terjemahan Dunia Baru mia puna. (3) Pasal ya ayat ba ayat harian mia dotafuda mihalal.(4) Buku-buku Surah Rieling mihalal he urutan waktu ya penulisan haluol.

• Mihalal mu he tujuan pomi misei. Doma pasal faring mihal ba abeta doyot na. Mikang ti leng nuku pasal nuku mihalal ba mifik wotanut ya pomi misei te. He latar wotanut. He kididng-kiding wei bay wotanut. Peta ya referensi pinggir puna. Nal nuku ba ko wal omi misei na mati riset paneng. Ko kang mati, leng ba e puna wotanut mu waktu ba e puna Surah Rieling mihalal dil dosama te.