Ka li zaˬ deuˬ Moˇseˬ-euˬ zahˇ dawˬ k’oꞈ dawˬ uˬ moˆ maˬ paˇ jawˇ-euˬ k’awꞈ, Yeˬhawˇbaˬ aˬ dui-ahˇ aˬ yawꞈ hawˇ-eu aˬ cawˬ-ahˇ gaˬ lehˇ ehˇ-eu, aˬ cawˬ naˆ maˬ tseˇ huiˬ dzehˬ-eu zahˇ dawˬ k’oꞈ dawˬ heu 2 kawˆ-ahˇ bi mˇ caw mawꞈ meh. (Tehˬ 22:37-39) Nui gaˬ heu naˇ, aˬ yawˇ yawꞈ dehꞈ laˇ nya-euˬ maˬ ngeuˇ-a, aˬ dui ya ka dehꞈ-eu meh. Aˬ joˆ-ehˇ ka dehꞈ nya-eu nga? Aˇ yeˇ huiˬ-eu tiˬ jeˬ naˇ, Jaˇliꞈ yawˬ nah na luꞈ guiˬ-eu heu meh. Aˬ dui Jaˇliꞈ laꞈ k’oeˇ Miˬyehˇ-euˬ sehˆ dzeuꞈ aˇ g’ehˇ-ahˇ pyehˆ tseˇ ngeh, Yeˬhawˇbaˬ-euˬ “yaw muiˬ yaw jaˬ-ahˇ” ya mawˇ-eu meh. (Ceuˬ 27:4) Teu naˇ aˬ dui aˬ yawꞈ-ahˇ gaˬ dzehˬ laˇ-awˇ, aˬ yawꞈ loꞈ-ehˇ duˇ-eu nui noeˬ myaˬ daˆ laˇ ni caw ba nehˬ-eu meh. K’oeˇ naˇ, Miˬyehˇ-euˬ zahˇ dawˬ-ahˇ naˇ haˬ-awˇ yawˬ ha-euˬ g’aˇ duˬ tehꞈ-ehˇ maˬ shaˇ noeˬ ni, aˬ cawˬ-ahˇ g’awˬ shaˬ gaˬ-eu jeˬ mˇ mawˇ lehˇ ehˇ-eu dawˬ-ahˇ mˇ caw mawꞈ ni laˆ noeˬ nehˬ-eu meh. (Yoˇ 13:34, 35; 1Yoˇ 5:3) Jaˇliꞈ gui mawꞈ-eu nui ma ahˇ laˇ ni caw ba nehˬ-eu 3 jeˬ-ahˇ haw ma:

• Aˇ baˇ mawˇ laˇ ni shaˇ noeˬ caw. Nawˇ Jaˇliꞈ gui ngeh, nawˇ-ahˇ aˬ jeˬ mawˇ laˇ, aˬ jeˬ gaˬ laˇ-awˇ, aˬ jeˬ-euˬ yaw saꞈ siˬ laˇ nya? lehˇ shaˇ noeˬ haw. K’oeˇ naˇ, teu gaˇ jawˇ luꞈ-eu deuˬ aˬ joˆ-ehˇ noeˬ nga? lehˇ jiˇ shaˇ noeˬ haw.

• G’awˬ myaˬ jeˬ-ehˇ gui. Yaw jeˬ ma jeˬ, teˇ saˇ gui doˆ-eu, maˬ ngeuˇ naˇ teˇ saˇ gui ahˇ taˬ gaˇ haw caw-eu. Aˬ yawꞈ deuˆ yawꞈ lehˇ gui gui-ehˇ maˬ iˇ ni, Jaˇliꞈ laꞈ k’oeˇ ahˇ-eu tsawˇ haˬ tiˬ g’aˬ-euˬ gaˇ kawˆ maˬ ehˇ, tiˬ jeˬ-euˬ gaˇ kawˆ maˬ ehˇ gui-eu. Yaw jeˬ ma jeˬ, Miˇ shuiꞈ dawˬ paˇ Jaˇliꞈ laꞈ k’oeˇ ahˇ-eu, dzaw lahˬ A7 hawˇ-eu B12-ahˇ zmˬ-awˇ Yeˬsuˇ-euˬ gaˇ kawˆ gui nya meh. K’oeˇ naˇ, aˬ yawꞈ nah yawꞈ yuˇ leꞈ-euˬ Jaˇliꞈ aˇ deuˆ-euˬ gaˬ naˇ yaw huiˬ tiˬ hmˬ hmˬ lah ni gui nya-awˇ Jaˇliꞈ boꞈ-euˬ aˇ yamˬ aˬ yawꞈ yamˬ yawˬ-ahˇ jiˇ gui nya meh.

• G’oˆ shaw nya-eu g’aˇ duˬ gui. G’oˆ shaw-eu laꞈ k’oeˇ yawˬ nah na luꞈ Jaˇliꞈ gaˬ naˇ yaw huiˬ tiˬ hmˬ tehꞈ-ehˇ gui-awˇ shaˇ noeˬ shaˇ sawˇ-eu heu naˇ, g’awˬ mya ni gui-awˇ maˬ g’oˆ shaw nya-eu naˆ maˬ tseˇ muiˬ dzehˬ-eu meh. Teu miˇ neh, Jaˇliꞈ gui ngeh, gaˇ kawˆ deuˬ-ahˇ shaˇ noeˬ-eu laꞈ k’oeˇ duꞈ yawˇ ni pyehˆ tseˇ-awˇ, miˇ k’ahˬ aˇ baˇ hawˇ-eu ngehˬ keuˆ taˬ-euˬ jeˬ-ahˇ zmˬ. Nawˬ-ahˇ maˬ g’oˆ shaw laˇ-eu tsahˇ-ahˇ poˆ tseˇ-awˇ, g’eh nya naˇ nawˬ neh gui-euˬ myah ni aˇ yamˬ yuˇ-awˇ shaˇ noeˬ shaˇ sawˇ.