Snonkaku Kristen sro ḇaḇ Sasoser Moses werḇa. Ḇape Allah imarisen kosouser pdef sasoser ḇeba syadi ro sasoser ani, isoine koswar Allah ma min koḇesi. (Mat 22:37-39) Saswar ḇeradirya na kona ḇeri na ḇa. Fandun fa kosewar kaku fa kona na. Nyan oser ḇefandun kaku ya iso kowasya Refo ro ras ḇe ras. Rofyor kowasenkara Allah rari-rari Ḇyena neḇefasnai ro Refoya, nari koḇaḇir ”Yahwe ḇaḇenaḇye ḇyena”. (Mz 27:4) Bonya iso, nari koswar kaku I ma nyan kakara koḇena namnis fanam kuker kakara Ḇyena. Ine nafrur fa kosouser parenta Ḇyena, isoine koswar snonkaku ḇesesya kako. (Yoh 13:34, 35; 1Yoh 5:3) Insama ḇaḇewasya Bedi nun marasrisen syadi, wafrurpan nyan rikyor ḇeuser nane:

• Ḇaḇir ma wawasenpan. Wawasenpan Ausya wakro dia. Rosai mam, rwower ma rosai wamnasenbir na? Rosai snonkaku ḇero farfyar ani sḇaḇir na?

• Buk nyan ḇeḇeso. Imnis raris: (1) Wawasya naba, ḇaido rwower ma waso ḇaḇewasya ḇeḇe-rekam kwar na. (2) Ipyum syadi wawasya awawos oso ḇaido farfyar ro snonkaku oso ḇero Refo, ḇardibur wawasya fasal ḇe fasal. Rupa ra, rofyor wawasya Yesus farfyar ḇyena, buk Lampiran A7 ḇaido B12 ḇero Kitab Suci Terjemahan Dunia Baru. (3) Mnuk ḇeknam ro syap Kokarauser Wos Refo Ras ḇe Ras ro ras ani, wawasya fasal anya ḇesiper. (4) Wawasya syap-syap ḇero Refo imnis fafisu risai syap-syap anna sfas na.

• Wawasya insama wafawi mnis. Wawasya fasal nabor monda awer snar wamarisen wamnai fasaw. Ḇape, ḇepyum syadi iso wawasya fasal oser monda mboi wafawi mnis ma kwarauser rosai wawasya anna. Wawasenpan fafisu ḇyena. Kwarapan roi oser-oser ḇero farfyar ani. Buk peta ma referensi silang. Wafawi mnis ḇaim awawos oso ido, swewar fa wafarkor mnis kaku. Bisa ido, oras fa bukiwasen kawanwan ya imnis kuker oras bukiwasya na.