A weiti fu Mosesi nai teli gi Kelesten aini a ten ya moo, ma den tu moo gaan weiti aini e soi san Gadu wani u du. Dati na a lobi di u lobi Gado anga taa sama. (Mat 22:37-39). A moiti u mu meke fu abi a lobi ya, bika u nai meke anga en. San u mu du fu abi a lobi ya? Wan fu den pelensipali sani di u mu du a leisi Beibel ala dei. Di u sutudeli Beibel u kon sabi omen manii fu Gadu. A sani ya meke u kon si „fa Yehofa bun” (Ps 27:4). A sani de e meke u moo lobi en. Wi e moo denki enke en. A sani ya e gi u taanga-sikin fu aliki a weiti fi en di e taki u mu lobi taawan (Yoh 13:34, 35; 1Yoh 5:3). Meke u luku dii sani di o meke i moo lobi leisi Beibel:

• Meke moiti fu e si den sani di yu e leisi enke den e pasa leti ai fesi. San i be o yee? San i be o sumee? Fa den sama aini a toli di yu e leisi be e fii?

• Taa sani di i sa du. Leisi taanga fu yee sa yu e leisi. I sa luku aini i Beibel tu, da yu e aliki fa den e leisi a pisi de ai telefon efuso tablet. I ná abi fu leisi den buku baka makandaa enke fa den de aini Beibel. Ma i sa bigin anga wan pisi aini Beibel di e taki fu wan sama efuso wan taa sani di i wani sabi moo fi en. Efi i wani leisi moo fu Yesesi, i sa luku Pisi 4 efuso 16 fu a buku di den e kai Studeri Gado Wortu moro fini. Leisi a hii kapitel pe den puu a deitekisi. I sa bigin anga den Beibel buku di fosi be sikiifi tu.

• Leisi fi i sa fusutan. A moo betee i leisi wan kodo kapitel wan dei da i fusutan en moo enke i leisi omen kapitel sondee fu teke ten denki fu den. Puubei fu si saide son sani taki enke fa den de aini Beibel. Suku fu fusutan bun san i leisi, winsi a den pikinpikin sani. Wooko anga den kaita anga den tekisi di kai a sikin se fu a bladzijde. Ondoosuku winsi wan tekisi di i leisi, ma di i nai kaba fusutan. Efi i poi, a be o bun fu teke aseefi ten di yu e leisi fu sidon pakisei den sani di i leisi. Kon u taki i leisi 15 miniti. A be o bun fi i teke 15 miniti tu fu sidon pakisei san i leisi.