Ñande ningo natekotevẽvéima ñakumpli koʼág̃a pe Léi Mosáika, upéicharamo jepe oĩ mokõi mandamiénto ohechauka porãitereíva mbaʼépa Jehová ohaʼarõ isiervokuéragui. ¿Mbaʼépa hína umíva? Jahayhu Ñandejárape ha ñande rapichakuérape (Mt 22:37-39). Péro upéva ndajahupytymoʼãi péicha péichante, síno ñañehaʼã vaʼerã. Peteĩ mbaʼe ñanepytyvõtava haʼe jalee la Biblia káda día. Jajepyʼamongetáramo la jaleévare, ñaaprendéta hetaiterei mbaʼe porã Jehovágui ha jahechakuaáta mbaʼeichaitépa haʼe ñanderayhu (Sl 27:4). Umíva ñanepytyvõta jahayhuve hag̃ua chupe ha ñapensa hag̃ua haʼe opensaháicha, ha koʼã mbaʼe ñanemomýita ñakumpli hag̃ua imandamientokuéra, umíva apytépe oĩ hína jahayhu vaʼerãha ñande rapichakuérape ha jajapo vaʼerãha upéva ñahaʼarõʼỹre mbaʼeve (Jn 13:34, 35; 1Jn 5:3). Jahechamína mbohapy mbaʼe ñanepytyvõtava jadisfrutave hag̃ua jaleévo la Biblia.

• Jaipuru ñane imahinasión ha umi cinco sentído jarekóva. Jaleévo umi rreláto ñañeimahina vaʼerã ñaimerõguáicha upépe, ñañehaʼã jahecha ha ñahendu umi mbaʼe oikóva ha ñahetũ umi mbaʼe ryakũa. Ñañeimahina avei mbaʼépa oiméne oñandu raʼe umi personáhe.

• Ikatu jalee la Biblia heta hendáicha. Ikatu jalee en vos álta térã ñahendu umi gravasión ha jasegi ñande Bíbliape la lektúra. Jalee rangue la Biblia en órden oñepyrũ guive opa peve, ikatu jaha hese por téma térã jalee umi párte oñeʼẽva peteĩ personáhe bíblicore. Por ehémplo, jalee hag̃ua umi rreláto oñeʼẽva Jesúsre, ikatu jaipuru pe folléto Restudia porãve hag̃ua la Biblia seksión 4 ha 16. Ikatu avei káda día ñamaña mbaʼe kapítuloguipa oñeguenohẽ pe téxto upe díape g̃uarã ha jalee upe kapítulo kompletoite, térã ikatu avei jalee la Biblia pe órden ojeskrivi haguépe.

• Ñañehaʼã ñantende pe jaleéva. Iporãvéta ningo jaleéramo un kapítulo jepe káda día ha jajepyʼamongeta hese ñantende porã hag̃ua, jaiko rangue jalee heta kapítulo jaleepa hag̃uánte la Biblia. Ñapensa umi mbaʼe heʼívare upe téxto mboyve ha upe rire, jahecha umi detálle, umi rreferénsia oĩva upe téxtope, jaipuru umi mápa, ha ñainvestiga peteĩ jepe umi mbaʼe nañantendeporãi vaʼekue. Ikatúramo jaipuru vaʼerã la mísma kantida de tiémpo jalee ha jajepyʼamongeta hag̃ua pe jaleévare.