Mosesip inatsisai kristumiunut tun­niun­neqan­ngik­kaluar­tut inas­sutaani an­ner­paani marlun­ni – tas­sa Guutimut tul­lermul­lu asan­nin­nermik peq­qus­sum­mi – Jehovap uagutsin­nut peq­qus­sutai eqik­kagaap­put. (Matt 22:37-39) Asan­nin­neq taama it­toq inun­nguusaaneq ajor­poq. Ineriar­tor­tin­neqar­tariaqar­poq. Qanoq? Ul­lut tamaasa Biibilimik atuar­tar­nis­saq pingaaruteqar­poq. Guutip pis­susii as­sigiin­ngitsut Biibilimi al­laatigineqar­tut eq­qaarsaatigisarutsigit Jehovap “alutor­nas­susia” isigis­savar­put. (Tuss 27:4) Taamaaliorut­ta Jehova asanerulerlugulu eq­qarsar­tariaasitsigut as­siginerulis­savar­put. Tamatuma Guutip inas­sutaanik naalan­nis­satsin­nut, ilaatigut im­minut pil­liutigeriaan­naal­luta al­lanik asan­nin­nis­satsin­nut, kajumilersis­savaatigut. (Joh 13:34, 35; 1 Joh 5:3) Biibilimik atuar­tar­nin­nut siun­nersuutit uku pingasut nuan­ner­nerulersitsisin­naap­put:

• Takorluuisinnaassutsit atoruk. Takorlooruk najuul­lutit. Suna takuiuk, suna tusaaviuk sunalu naamaviuk? Najuut­tut qanoq misigigunar­pat?

• Atuagassatit allanngorartikkit. Siun­nersuutit: Nipituumik atuarit, im­mius­samul­luun­niit tusar­naajutigalutit malin­naagit. Kapitalit tul­leriiaarlugit atuaan­nar­nagit Biibilimi inut­taasoq sam­misarluun­niit aalajangersimasoq pil­lugu atuarit. Soorlu Jiisusi pil­lugu misis­sueq­qis­saar­nin­ni Guutip oqaasianik misissueqqissaarut, im­mik­koor­toq 4 aam­ma im­mik­koor­toq 16 iluaqutigisin­naavatit. Kapitali ul­lormut al­las­simaf­fim­mik tigusif­figisaq tamaat atuaruk. Biibilip atuagar­taasa al­lan­neqar­nerisa ukiuisa tul­leriaar­neri aal­laavigalugit atuarit.

• Paasisaqarumallutit atuarit. Ul­lut tamaasa kapitali ataaseq atuarlugu paasiniarlugulu eq­qarsaatigeq­qis­saar­nis­saa atuar­niaan­narluni kapitaler­pas­suar­nik atuar­nermit pitsaaneruvoq. Pis­sutsit takorluuk­kit. Im­mik­kuualut­tor­tai misis­soq­qis­saak­kit. Nunap as­singi Biibilimilu in­nersuus­sutit nas­suiaatil­lu atorluak­kit. Paasin­ngisat min­ner­paamik ataaseq paasiniarlugu misis­sueq­qis­saarit. Ajor­nan­ngip­pat atuar­neq eq­qarsaatigin­neq­qis­saar­nerlu as­sigiim­mik pif­fis­saqarfigisak­kit.