Hkriꞈ yaˇ Moˉseˍ ve awˬ liˇ tawˇ hkawˇ awˬ hawˉ lo maˇ chehˇ˗o ve htawˇ, awˬ nu ve chaw leh Gʼuiˬ sha htaꞈ gʼa haꞈ ve awˬ liˇ tawˇ hkawˇ a yeˇ uiˍ jaˇ ve nyiˇ maˬ chi lehˬ, Yaˬhoˉvaˬ ngaˬ hui htaꞈ te tcuh gaˇ sheˍ ve yoˬ. (Maꞈ 22:37-39) Haꞈ pehnˇ ve chi hkʼe ve yawˇ hkʼaˇ yawˇ cawˬ la gʼa ve maˇ heˆ. Ngaˬ hui gʼa te ve yoˬ. Yaꞈ hkʼaˇ, hkʼaˬ hkʼe te gʼa ve le? A yeˇ uiˍ jaˇ ve teˇ hkʼaˇ lehˬ, teˇ nyi le le Liꞈ hpu gʼaw ve yoˬ. Liꞈ hpu hkʼaw Gʼuiˬ sha ve awˬ hoꞈ awˬ han htaꞈ ngaˬ hui chaˬ nyi htaˇ, ‘Yaˬhoˉvaˬ daꞈ ve htaꞈ chiˇ mvuh tuˬ’ ngaˬ hui gʼa mawˬ tuˬ yoˬ. (Chiˇ 27:4) Chi hkʼe te ve kʼo, yawˇ htaꞈ kʼawꞈ haꞈ maˇ laˇ tuˬ leh ngaˬ hui ve dawˇ hkʼaˇ kaꞈ yawˇ htaꞈ shuˍ la ve yoˬ. Chi ve ngaˬ hui Gʼuiˬ sha ve tawˇ hkawˇ htaꞈ na yuˬ tuˬ leh a shu yawˇ awˬ pon maˇ dawˇ nyi leh shu htaꞈ haꞈ ve awˬ gʼaˇ peꞈ laˇ ve yoˬ. (Yoˇ 13:34, 35; 1 Yoˇ 5:3) Liꞈ hpu gʼaw leh pyawˍ tuˬ ve awˬ hkʼaˇ shehˆ hkʼaˇ teˇ geh nyi shaˍ.

• Awˬ han mawˬ˗aˬ ve hkʼa shuˍ dawˇ nyi ve. Nawˬ oˇ kaˬ lo chehˇ˗aˬ ve hkʼa shuˍ dawˇ nyi sheˍ. Nawˬ aˬ htoꞈ ma gʼa mawˬ ve le? Aˬ htoꞈ ma gʼa kaˇ ve le? Aˬ htoꞈ ma awˬ shaˉ gʼa hawnˉ ve le? Oˇ kaˬ lo chehˇ˗aˬ ve chaw hkʼaˬ hkʼe dawˇ ve le?

• Gʼaw ve awˬ hkʼaˇ laiˉ ceuˬ yehˇ ve. Chi lehˬ te gʼa ve awˬ hkʼaˇ teˇ hpaˍ yoˬ. Awˬ hkawˇ gʼaw tawˆ ve maˇ heˆ leh, awˬ hkawˇ hpaˇ˗aˬ hpaw leh awˬ hkʼaˇ suh gʼaꞈ nyi ve. Teˇ pfuhꞈ teˇ pfuhꞈ gʼaw ve aꞈ kehˉ, ngaˬ hui dawˇ cawˇ ve awˬ lawn htaꞈ leuˆ gʼaw gʼa ve yoˬ. Tawˇ pa haˉ te kʼo, Yeˍsuˆ ve awˬ lawn gʼaw gaˇ ve kʼo, Miˬ guiˬ awˬ suhˉ yuˬ tawˆ ve Liꞈ hpu hkʼaw awˬ lawn awˬ leuˉ nanˍ baꞈ A7 leh B12 gʼaw gʼa ve yoˬ. Leh teˇ nyi le le ve Liꞈ hpu awˬ tawn gʼaw htaˇ, Liꞈ hpu hkʼaw kaꞈ hpeuꞈ nyi sheˍ. Maˇ heˆ leh Liꞈ hpu teˇ tawn peuˬ teˇ tawn bvuhꞈ taˍ ve awˬ yanˇ htaꞈ gʼaw sheˍ.

• Na gʼa tuˬ gʼaw ve. Liꞈ hpu laiˉ tawn gʼaw ve aꞈ kehˉ, teˇ tawn htaꞈ gʼaw leh hkʼa dehꞈ dawˇ nyi ve daꞈ ve yoˬ. Chi htaꞈ pa taw, hpehꞈ chehˇ ve awˬ lawn htaꞈ dawˇ nyi sheˍ. Hkʼa dehꞈ chaˬ nyi tehˆ nyi ve. Nawˬ maˇ na gʼa ve teˇ lawn htaꞈ hpfuhˆ nyi sheˍ. Chi hkʼe te gʼa tuˬ, Miˬ guiˬ liꞈ leh chi htaꞈ caˉ daꞈ ve awˬ nu ve awˬ lawn teˇ hpaˍ yehˇ sheˍ. Hpehꞈ kʼai gʼa ve kʼo, nawˬ gʼaw ve awˬ yanˇ leh dawˇ nyi ve awˬ yanˇ hkʼa shuˍ yehˇ sheˍ.