Kʼad Mosaic Law bibee hazʼáanii doo bikʼehgo kéédahwiitʼı̨́į da. Diyin God dóó bił kééhwiitʼíinii ayóóʼádeíníiʼní díí éí Jiihóvah tʼahdii tʼáá íiyisíí yee nihá hasʼą́. (Mt 22:37-39) Ayóóʼóʼóʼní ákótʼéhígíí doo bił nihiʼ dizhchı̨́į da éí biniinaa yéigo bíká naʼanish. Haash yitʼéego? Nihił nilı̨́įgo éí tʼáá ákwii jı̨́ Diyin Bizaad yííníiltaʼ doo. Áádóó Diyin Bizaad biiʼdóó Jiihóvah yee átʼéhígíí bíhwiilʼaahgo “yee ayóó ánóolninii” yee nihichʼįʼ ííshjání ííłʼı̨́. (Ps 27:4) Díí binahjįʼ nihee ayóóʼóʼóʼníinii nooséeł áádóó Jiihóvah nahalingo nitsíikees doo. Díí yee nanihiiłná. Dóó bibee hazʼáanii dóó ayóóʼóʼóʼní bikʼeh dahwiiniilʼı̨́. (Joh 13:34, 35; 1Jo 5:3) Kótʼéego bínindlı̨́įgo Diyin Bizaad yíníłtaʼ doo:

• Hazhóʼó baa nitsíníkeesgo ííníłtaʼgo choiníłʼı̨́. Aadi nanináa nahalingo baa nitsíníkees. Haa lá hatʼı̨́, haʼátʼíísh dadiitsʼaʼ, haʼátʼíísh halchin? Díí aa hatʼı̨́ baa nitsíikeesígíí éí haash yitʼéego nidabiiłná?

• Diyin Bizaad wóltaʼ ałʼąą átʼéego chǫʼı̨́. Yéigo yííníłtaʼ, doodaiiʼ saad bikááʼ niiʼnilígíí yíísíníłtsʼą́ąʼgo bił yííníłtaʼ. Diyin Bizaad biiʼdę́ę́ʼ łaʼ diné baa ííníłtaʼ doodaiiʼ éí tʼááłáʼí baa yátiʼígíí tʼéiyá baa ííníłtaʼ. Appendix A7 doodaiiʼ B12 éí New World Translation of the Holy Scriptures Jesus baa ííníłtaʼgo choiníłʼı̨́. Chapter tʼáá átʼé yídííłtah díí tʼáá ákwíí jįʼ wóltaʼígíí bitsʼą́ą́dóó haadzooígíí. Diyin Bizaad éí naaltsoos ałkééʼ sinilgo bikʼeʼashchı̨́ tʼáá ákótʼéego yídííłtah.

• Bikʼidiʼyiitįįhgo yíníłtaʼ. Łaʼjįʼ tʼááłaʼí ndi nijółtaʼgo bikʼizhdiʼyiitįįhgo éí há bohónéedzą́ą dóó nabikʼítsíníłkees doo, tʼáadoo tʼóó ahayóí naaltsoos tsxı̨́įłgo yidiishtah jiníziní. Hazhóʼó bikʼi nitsíníkees. Maps dóó marginal references choiníłʼı̨́. Doo bikʼidiʼyítįįhígíí naniłkaah. Naa bíighahdą́ą́ʼ, haashı̨́ı̨́ nidzaago yíníłtaʼígíí ałdóʼ tʼáá áko nidzaago hazhóʼó nabikʼítsíníłkees doo.