Nalinga Ululaghilo ulu Kyala alimpele Mose lutikubomba pa Bakristu loli ingomelesyo syake sibili isi syo ukungana Kyala nu mpalamani sikunangisya isi Yehova ikulonda ukuti tubombeghe. (Mt 22:37-39) Ulughano ulu lutikwisa lwene. Tukulondiwa ukwiyula ukuti tuye nalo. Ngimba tubaghile ukubomba bulebule? Injila yimo inunu ko kubalenga Ibaibolo isiku lililyosa. Linga tukwinong’onela utuyilo utununu utwa Kyala utu tukwaghiwa mu baibolo, tukuketa “ubununu bwa Yehova.” (Sa 27:4) Pabumalilo, ulughano lwitu ku myake lukuya pakukula kangi aminong’ono ghitu ghikuya pakufwana fiyo na minong’ono ghake. Ifi fikuya pakututuma ukuti tukongeghe indaghilo syake ukongelelapo ulukomelesyo ulwa kwiyipa pakubaghana abangi. (Yo 13:34, 35; 1Yo 5:3) Pasi apa pali amasakisyo matatu agha ghabaghile ukututula ukuti tuhobokeghe fiyo pakubelenga Ibaibolo:

• Uyeghe ni kithuzi kya ifi kubelenga, kangi ufwaneghe kufikeghe. Tufwanikisye ukuti nanuwe ulipo. Ngimba findu fiki ifi kuketa, kupilika kangi kunungisya? Ngimba ifindu ifi fikwipilika bulebule?

• Muye ni njila isyakukindanakindana isya kubelenga Ibaibolo. Injila simo syo isi: Ukubelenga mwa kukwesya amasyu, pamo ukukonga bo mukupilikisya ifi fyajambuliwe. Belenga syene inkhani sya iki mukulonda pamo ifundo iyi mukulonda ukumanya m’malo mwa kubelenga amachaputala ghosa. Mwakifwanikisyo, ubombele Appendix A7 pamo Ibaibolo lya New World Translation of the Holy Scriptures B12 ukuti mubelenge isya Yesu. Mubelenge ichaputala lyosa apa ilemba lya isiku lifumile. Belenga amabuku gha mu Baibolo mulubatiko ulu ghalembeliwe.

• Belenga ukuti mupilikisye. Belenga nalinga chaputala limolyene pisiku ukuti mupilikisye nu kwinong’onelapo ukukinda ukuti mubelenge amachaputala mingi ukuti mumalisye itolo Ibaibolo. Keta ifi fyabombiwagha. Mumanye fyosa ifi fyabombiwagha. Mubombeleghe amapu ni fyakunangisya amavesi aghangi. Fufuza nalinga fundo yimoyene iyi mutikupiyikisya kanunu. Linga fibaghile ukubombiwa, mwinong’onelengepo kwa kabalilo akatali linga mukubelenga.