Παρόλο σο ο Χριστιανοί νανέ υποχρεωμέ τι κερέν ο Μωσαϊκός Νόμος, ο ντούι πιο μπαρέ εντολές σο τθερέλα​—τι μανγκάς ι Ντεβλές ντα τι μανγκάς ι τζενέν—​συνεχίνενα τι σικαβέν χάνικ λαφίντζαρ σο μανγκέλα αμένταρ ο Ιεχωβά. (Ματ 22:​37-39) Ανταγιά αγάπη να λάσα-λα αυτόματα αμαρέ τζενένταρ. Πρέπει τι προσπαθίνας τι μπαριαράς-λα. Σαρ; Κάτι σο κα βοηθίνελ-αμέν μπουτ ισί τι διαβάνας κάθε ντιβές ι Γραφή. Όταν διαβάνασα κι Γραφή για το διάφορες ιδιότητες σο τθερέλα ο Ντεβέλ, ντικχάσα «καζόμ λατσσό ισί ο Ιεχωβά». (Ψλ 27:4) Όταν κεράσα-λες ανταβά, αμαρί αγάπη λέσκε μπαριόλα ντα ο τρόπος σο σκεφτίνασα μοιάζελα πιο μπουτ με το τρόπος σο σκεφτίνελα βοβ. Ανταβά βοηθίνελα-αμέν τι κεράς ο εντολές ι Ντεβλέσκε, σαρ για παράδειγμας ι εντολή τι μανγκάς αζόμ μπουτ ι γιαβερέν σο κα τσσουβάς λένγκε ανάγκες πιο οπρέ αμαρένταρ. (Ιωα 13:​34, 35· 1Ιω 5:3) Ντικχέν τριν πράγματα σο μπορίνενα τι κερέν για τι απολαμβάνεν πιο μπουτ ο διάβασμας ι Γραφιάκο:

• Τι χρησιμοποιήνεν τουμαρί φαντασία ντα τουμαρέ αισθήσεις. Τι αβέν οτθέ τουμαρέ γκοντιάσαρ. Σο κα ντικχένας, σο κα ασουνένας ντα σο κα ασουνγκένας; Σαρ μπορεί τι αισθάντιβενας ο τζενέ σο ισί αντρέ κι ιστορία;

• Τι διαβάνεν με διάφορους τρόπους. Μερικά πράγματα σο μπορίνενα τι κερέν ισί: Τι διαβάνεν ώστε τι ασουνέν τουμαρί φωνή ή τι ντικχέν αντράλ τουμαρέ Γραφιάταρ ενώ ασουνένα εκ ηχογράφηση. Τι διαβάνεν εκχέ συγκεκριμέ τζενέσκε σο ισί κι Γραφή ή εκχέ θεμάσκε αντίς τι διαβάνεν ο κεφάλαια με εκ σειράς. Φιρειπείν, διαβάνεν ι Ιησούσκε κο Παράρτημας Α7 ή Β12 της Μετάφρασης Νέου Κόσμου. Διαβάνεν σαστό ο κεφάλαιος σο τθερέλα τι κερέλ με το εδάφιος ι ντιβεσέσκο. Διαβάνεν ο βιβλία ι Γραφιάκε με τη σειράς σο γραφισάλε.

• Τι διαβάνεν για τι μπορίνεν τι αγαβέν. Ισί μπουτ πιο λατσσό τι διαβάνεν σάντε εκ κεφάλαιος κο ντιβές αλλά τι αγαβέν-λες ντα τι σκεφτίνεν-λες λατσσές παρά τι διαβάνεν μπουτ κεφάλαια απλά για τι νακχέν σελίδες. Ανέν τουμαρέ γκοντιάτε σαρ ισινέ αζομάν ο πράγματα. Ρόντεν ο λεπτομέρειες. Χρησιμοποιήνεν ο χάρτες ντα ο παραπομπές. Ρόντεν τουλάχιστον εκχέ πραγμάσκε σο να αγαβένα. Άμα μπορίνενα, αφιερώνεν οντουλέντε σο σκεφτίνενα περίπου ο ίδιος σαάτι σο αφιερώνενα κο διάβασμας.