Nájkirukachi kristianuecha no afuersa jatsika para kumplirini Moisesiri Leini, imeri mandamientuecha engaksï sánderu jukaparhakueka —xénchani Tata Diosïni ka prójimuni— seguirixatiksï jindeni ima ambe enga Jeoba kurhakuajka imeri marhuarichani (Mt 22:37-39). Xásï uékperakua ma, no ísku jatini úndasïndi ma pʼikuarherani, uétarhisïndi kʼuiriperani. ¿Néna? Ma ambe enga jukaparhakueka, jindesti pauani pauani arhintani Bibliani. Engachi eratsintajka imani ambe engachi arhintajka, exentasïngachi uánikua ambe na enga jásïka Jeoba ka kuentachi íntskukuarhisïnga na enga xáni ambakitika (Sl 27:4). Engachi ísï újka, sánderuchi xénchasïnga ka jorhenguarhisïngachi ísï eratsini eska ima. I ambe úsïndi eskachi uékaaka kumplirini imeri mandamientuechani ka ístu parachi uékperakua xarhatakuani máteruechani no ma ambe erokuarhiparini (Jn 13:34, 35; 1Jn 5:3). Ju je exeni tanimu ambe engajtsïni jarhuataaka sánderu tsitini arhintani Bibliani.

• Ju je eranhaskani ambe ma ka úraani sinku sentiduechani. Ju je eranhaskani eskachi jima jarhaska. Ju je jánguarhini exeni ambe úkuarhixaki, kurhaauani soniduechani, sïpiruni ambe ma. Eratsintani náksï pʼikuarherani japi personajecha inde uandantskuarhu anapu.

• Ju je uánikua forma úrani. Uákachi bosi alta jimbo arhintani o grabasioni ma kurhaaparini arhintani. Máteru opsioni jindesti, Bibliaeri personajeri ma arhintani o temeri ma engajtsï uékaaka mítini, enbesi de arhintani Bibliani desde uénani asta kʼamarani. Por ejemplu, uákachi úrani sección 4-A, B, C, D, E, F, G ka H ka 16-A ka B ari foietueri Guía para el estudio de la Palabra de Dios parachi Jesusiri ambe arhintani. Máteru opsioni jindesti imani kapituluni arhintani nani enga pʼitakuarika textu pauani pauani anapu o ísï arhiantani Bibliarhu anapu libruechani eskaksï na karakuarhipaka.

• Ju je arhintani parachi kurhanguni. Sánderu sésisti sikiera ma kapitulu arhintani ma jurhiatikua jimbo, kurhanguntaparini ambe engachi arhintaaka ka eratsintani, eska uánikua kapituluechani arhiantani solu para sóntku kʼamarani Bibliani. Ju je eratsintani kontextuni, iámindu ambe exeni, úraani mapechani ka referensiasi marjinalesichani ka jirinhantani informasioni sikiera ma puntueri engachi no kurhanguaka. Ka engachi uáka, ju je arhutani xáni tiempu eskachi xáni úraaka para arhintani.