Awe dị ruwạ iyira sighiton rokọm ghan ni eephinha r’e/ḅaạl olhoghi kungọ iyira. Bidị kotue ni odughe siya phọ ayira r’aZihova eru maạr dị yira oghiilhaan mem dị bidị osophoghom iiseeny phọ ayira. Ika kụ idị nạ kakoph loor anạ esi abuẹn rookpoḍị bọ nyinhạ?

Ibadị arebenhẹ aZihova mokaran ni buọ asighiton phọ abuẹn phọ omoọgh ekol esi obeḍenhọm aZihova. (Ps 18:17) Esi omaạm, Esther aghaạph ni amiteom oḅian okarạph oye dị oghol mọ Haman. (Es 7:1-6) Kụ agbi bọ oḍighi iduọn phọ, odị aḍeenhaan ni m’onọ abeḍenhọm ni aZihova esi okaạgh eḍọgh. (Es 4:14-16) Kụ aZihova asẹph ni radạ phọ odị agbariọn bọ kụ aḅilhẹ aghoph nyodị r’awe aJu phọ.

Idiphọ Esther, eḍighi maạr dị oye raakpoḍị nyinhạ, lọm aZihova alhoghonhaạn nyinhạ ḍighaạgh kụ aḅilhẹ aghaaphạn okpokolho oki, idiphọ odẹ r’onhiin anạ ilọ iiḅaghamhị phọ oye phọ rangọ bọ nyinhạ. Kụ dị iikia i/lo aZihova kalhoghonhaạn ni nyinhạ ḍighaạgh idiphọ odị aḍighinhaan bọ Esther. Nạ kaḅilhẹ aḍighi eeghe orue okaran iikpoḍị?

IPOGH VIDIO PHỌ ADỌL IḌOỌGH AMHỊ—IKA KỤ IDỊ MỊ KATUE AKARAN IIKPOḌỊ? KỤ EPHANYANHAẠN SIPURU PHỌ EDAPHẠN BỌ SIẸN:

• Iḍoọgh kotuughạ eeghe esi eḍeenhaan phọ aCharlie r’aFerin?

  Ophagharanhaạn phọ anạ

• Aburudẹ r’aburunhiin kotuughạ eeghe esi ipẹ aCharlie r’aFerin oghaạph bọ ilọ olhoghonhaạn aḍighaạgh ibạm anmụny okaran oye dị raakpoḍị bidị?

  Ophagharanhaạn phọ anạ