Lubwura gitwero wanowa dok giweko wabedo ki par mapol. Gitwero bene balo watwa ki Jehovah ka waye ni lyeto ma giketo i komwa ogengwa ki woro Jehovah. Itwero gwokke nining ki i kom lubwura?

Jo mapol ma giworo Jehovah gucung matek i kom lubwura kun gijenge i kom Jehovah. (Jab 18:17) Me labolle, Esta otito ka maleng yub pa labwura mo ma nyinge Aman. (Esta 7:​1-6) Ma peya en otimo meno, en onyuto ni ejenge i kom Jehovah ki rii kec. (Esta 4:​14-16) Jehovah ogoyo laane i kom tutene dok ogwoko kwo pa Esta kacel ki jone.

Wun jo matino, ka ngat mo tye ka bwuri, peny Jehovah pi kony dok ilok ki ngat mo ma oteggi, me labolle lunyodoni. Itwero bedo ki gen ni Jehovah bikonyi kit ma okonyo kwede Esta. Gin ango mukene ma itwero timone ka itye ka kemme ki bwura?

NEN VIDIO MA WIYE TYE NI KWONA MACALO BULU—ATWERO CUNG MATEK I KOM LUBWURA NINING? CI IGAM LAPENY MA LUBO:

• Gin ango ma jo matino gitwero pwonyone ki bot Charlie ki Ferin?

  Co lagammi

• Lunyodo gitwero pwonyo gin ango ki i lok ma Charlie ki Ferin guwaco madok i kom kit ma gitwero konyo kwede lutinogi ka kitye ka bwurogi?

  Co lagammi