Nsisimaa kɔhʋla kɛma yɛ ɛɣɛɛlɛ kɔwɔ na adwɩnɩndwɩnɩ ɩadɔ yɛ zʋ. Sa bɔkʋla po bɛma yɛ nɩɩ Gyehova ɔhɔnwʋvalɛ yɩ po sɩkɛ mmɩlɩ mɔ bodwodwu bediyia yɛ ɔzʋ̃mɩnlɛ nɩ. Kɛ ɩkɛyɛ na wʋawɔ wʋ nwʋ banɩ wɔ nsisivʋlɔ nwʋ a?

Gyehova yɩ azʋ̃mvʋlɔ sʋ̃maa hʋla gyina nsisimaa be nsisi nɩ yi munwa iluwa Gyehova mɔɔ bɛvalɩ bɔ nwʋ bedianlɩ yɩ zʋ nɩ. (Ndw 18:17) Kɛ ndianwʋ nɩ, Ɛsɩta dɩndɛnlɩ na ama ɩahʋla ɩala nsisivʋlɔ Hemanɩ yɩ pɔkɔ tanɩ yɩ ali. (Ɛs 7:​1-6) Ansaana ɩkɛyɛ zɔ nɩ, ɩvalɩ yɩ nwʋ idianlɩ Gyehova zʋ iluwa kɔmɩ mɔɔ ɩhyɩlɩ nɩ. (Ɛs 4:​14-16) Gyehova yilalɩ yɩ nyɛlɩyɛ yɩ zʋ na ɩwɔlɩ mɛyɩ nɩɩ yi mmenii bɔ nwʋ banɩ.

Nnwuakula, sɛ abiye isizii wʋ a, pɩbɛ mmʋwalɩyɛ wɔ Gyehova ɛkɛ na ɛ nɩɩ ebani be mɔɔ yɩ nwʋ ɩwʋkwa dɩkɛɛ wʋ awʋvʋlɔ wɔ nwʋmɔ nkɔmmɔ. Sa ɔkʋla enyia anwʋlazʋ kɛɛ Gyehova kɔwʋwa wʋ kɛmɔ ɩwʋwalɩ Ɛsɩta nɩ. Mɩnla dɔkʋ̃ yɛ ɔkɔhʋla ɛkɛyɛ na wʋahʋla wʋagyina nsisi munwa a?

KILÁ VIDIYO MƆƆ ISE KƐ ABƖLANTƖYƐ ANZƐNYƖƖ KƐDƐKƐ NƖ—SƐ ABIYE ISIZII MƖ A, MƖNLA YƐ MƲKƆHƲLA MƖKƐYƐ A? NA AKƲ̃ YƖ NDWOKƆƔIZIALƐ EYIMMƆ BO MUNWA:

• Mɩnla yɛ nnwuakula kɔhʋla kozuma wɔ Charlie nɩɩ Ferin be ndianwʋ yi nu a?

  Wu munwalɩyɛ

• Charlie nɩɩ Ferin bo odwokɔ mɔɔ bɛhanlɩ bɛvalɩ kezimɔ awʋvʋlɔ kɔhʋla kɔwʋwa bo nnwuakula ma bekegyina nsisi munwa nɩ, mɩnla yɛ awʋvʋlɔ kɔhʋla kozuma wɔ nu a?

  Wu munwalɩyɛ