Aˬ dui bi behˬ dzaˬ ngeh nui ma paw maˬ ehˇ, gʼawˇ mawˇ paw maˬ ehˇ, deuˬ laˇ nya˗eu meh. Kʼoeˇ naˇ aˬ yawꞈ maꞈ aˬ dui˗euˬ uˬ duˬ tahˬ˗eu jeˬ˗ahˇ laˆ tsoeˬ laˇ ngeh, aˬ dui guˆ naˇ nui jah paw jiˇ deuˬ laˇ nya˗eu meh. Behˬ dzaˬ laˇ ngeh aˬ dui yawˬ haˇ yawˬ ha aˬ joˆ˗ehˇ haw piˇ nya˗eu nga?

Yeˬhawˇbaˬ˗ahˇ uˬ duˬ tahˬ˗eu yaw myaˬ gʼaˬ, Yeˬhawˇbaˬ˗ahˇ gʼoe˗euˬ miˇ neh behˬ dzaˬ laˇ˗eu jeˬ˗ahˇ gʼaˬ leˇ nya˗euˬ meh. (Ja ceuˬ 18:17) Yaw jeˬ ma jeˬ, Iˇsaˬtaˆ aˬ yawꞈ˗ahˇ behˬ dzaˬ laˇ˗eu Haˬmaˬ neh noeˬ taˬ˗euˬ jeˬ pah doˆ˗euˬ meh. (Iˇsaˬtaˆ 7:1-6) Iˇsaˬtaˆ teu loꞈ˗ehˇ maˬ jahˇ mi naˆ˗ehˇ Yeˬhawˇbaˬ˗ahˇ gʼoe˗eu lehˇ maˬ dzaˬ maˬ dawˇ ni lah˗eu daw˗eu heu neh mˇ mawˇ˗euˬ meh. (Iˇsaˬtaˆ 4:14-16) Teu miˇ neh Yeˬhawˇbaˬ Iˇsaˬtaˆ hawˇ˗eu aˬ yawꞈ˗euˬ tsawˇ haˬ deuˬ˗ahˇ guiˬ lahˬ biꞈ˗awˇ haw piˇ nehˬ˗euˬ meh.

Zaˬ guˬ deuˬ˗oˇ, tiˬ gʼaˬ gʼaˬ aˬ dui˗ahˇ behˬ dzaˬ laˇ ngeh, Yeˬhawˇbaˬ˗ahˇ caw ba nehˬ laꞈ lehˇ shaˇ˗awˇ noeˬ dahˇ doe laˇ˗euˬ tiˬ gʼaˬ na maˬ ngeuˇ naˇ, aˬ da aˬ ma˗ahˇ yawˬ ha ya puˬ luꞈ˗eu gaˇ kawˆ ja nehˬ nya meh. Yeˬhawˇbaˬ Iˇsaˬtaˆ˗ahˇ caw ba˗euˬ loꞈ˗ehˇ aˬ dui˗ahˇ jiˇ caw ba nehˬ˗eu yaw duˬ baw meh lehˇ jah ziꞈ nya meh. Aˬ cawˬ aˬ dui˗ahˇ behˬ dzaˬ laˇ ngeh, aˬ dui jahˇ nya˗eu aˬ jeˬ paˇ jaˆ nga siˬ?

Zaˬ guˬ deuˬ˗euˬ dehꞈ ziˇ—Aˬ cawˬ aˬ dui˗ahˇ behˬ dzaˬ laˇ ngeh, aˬ joˆ˗ehˇ jahˇ nya˗eu nga? lehˇ ehˇ˗eu biˬdiˬoˬ haw gʼaˬ naˇ, naˇ haˬ˗eu jeˬ heu deuˬ˗ahˇ dawˬ kʼoꞈ biꞈ.

• Zaˬ guˬ deuˬ Tsaˇliˬ hawˇ˗eu Peˇliˬ˗ahˇ aˬ joˆ˗ehˇ dzaw geuꞈ nya˗eu nga?

  Nawˬ˗euˬ dawˬ kʼoꞈ

• Aˬ da aˬ ma deuˬ zaˬ deuˬ bi behˬ dzaˬ ngeh, aˬ joˆ˗ehˇ caw ba nehˬ nya˗eu gaˇ kawˆ nehˬ˗ehˇ taꞈ leˇ˗awˇ, Tsaˇliˬ hawˇ˗eu Peˇliˬ˗ahˇ neh aˬ jeˬ ya siˬ˗eu nga?

  Nawˬ˗euˬ dawˬ kʼoꞈ