Ju m’ubesayu ali i bang’wa gicopo timo lembe ma nyayu litho i kumwa, man ma ketho wawinjara rac. Gicopo nyotho kadok winjiri mwa ku Yehova, ka waweko gipiko lworo i iwa kinde ma gibejai i kum thier ma wabetimo ni Yehova. Dong’ icopo gwokiri nenedi ni won ali?

Jurutic pa Yehova dupa gigam givoyo weg ali pilembe gijengiri iwi Yehova. (Zb 18:17) Ku lapor, Ester uweco pi nituco wi plan ma won ali moko ma rac ma nyinge Haman upangu. (Es 7:1-6) I wang’ nitimo lembe maeno, elar ekwiro cam pi ninyutho nia ejengere iwi Yehova. (Es 4:14-16) Yehova umiyo mugisa iwi lembe m’etimo, man egwoko en ku juthugi de.

Aradu, ka ng’atu moko usegi kud ali, kway Yehova ukonyi, man kor peko maeno ni ng’atu moko ma wang’e teng’ini, ku lapor, janyodo peri. Cwinyi bed tek nia Yehova bikonyi tap calu m’ekonyo ko Ester. Iromo timo ang’o mange ka juberoki saa ceke kud ali?

NEN VIDEO MA THIWIYE TIE KWO PARA MIR ARADU—ACOPO TIMO ANG’O KA JUSAGA KUD ALI? MAN I NG’EYE DWOK WANG’ PENJI M’ULUBO E:

• Lapor pa Charlie giku Ferin copo miyo ponji ma kani ni aradu?

  Dwokowang’ lembe peri

• Wec pa Charlie giku Ferin copo miyo ponji ma kani ni junyodo kinde ma gibenyutho ni awiya migi gin ma gitim ka jubesayugi kud ali?

  Dwokowang’ lembe peri